விவசாயிகள் மறியல்: தில்லி எல்லைகள் டிரோன் மூலம் கண்காணிப்பு

விவசாயிகள் சாலைமறியலில் ஈடுபடவுள்ளதையொட்டி தில்லி எல்லைகள் டிரோன் மூலம் கண்காணிக்கப்பட்டு வருகிறது.
விவசாயிகள் மறியல்: தில்லி எல்லைகள் டிரோன் மூலம் கண்காணிப்பு
விவசாயிகள் மறியல்: தில்லி எல்லைகள் டிரோன் மூலம் கண்காணிப்பு

விவசாயிகள் சாலைமறியலில் ஈடுபடவுள்ளதையொட்டி தில்லி எல்லைகள் டிரோன் மூலம் கண்காணிக்கப்பட்டு வருகிறது.

நாடு முழுவதும் 'சக்கா ஜாம்' என்ற பெயரில் சாலை மறியல் போராட்டத்தில் இன்று (பிப்ரவரி 6) ஈடுபடவுள்ளதாக விவசாயிகள் சங்கங்கள் அறிவித்துள்ளன.

நண்பகல் 12 மணி முதல் பிற்பகல் 3 மணி வரை மட்டுமே நடைபெறவுள்ள இந்தப் போராட்டம் தலைநகா் தில்லி தவிர்த்து நாட்டின் பிற பகுதிகளில் நடைபெறும் என்றும் விவசாயிகள் அறிவித்துள்ளனர்.

எனினும் விவசாயிகளின் சாலை மறியலையொட்டி தில்லி சாலைகளில் அதிக அளவிலான காவலர்கள் குவிக்கப்பட்டுள்ளனர்.

விவசாயிகளின் சக்கா ஜாம் அறிவிப்பால் சாலைகள் மூடப்பட்டதால், பொதுமக்கள் 8 முதல் 10 கிலோமீட்டர் தூரத்திற்கு மாற்று பாதையில் திருப்பி அனுப்பப்பட்டனர். வாகனங்கள் சோதனையிடப்பட்டன.

இந்நிலையில் தில்லி திக்ரி எல்லையில் டிரோன் மூலம் விவசாயிகள் கண்காணிக்கப்பட்டு வருகின்றனர். தில்லியில் சாலைமறியல் நடைபெறாது என்று விவசாயிகள் தெரிவித்திருந்தாலும், அசம்பாவிதங்கள் நடைபெறுவதைத் தவிர்க்கும் வகையில் காவல்துறையினர் டிரோன் மூலம் கண்காணித்து வருகின்றனர்.

தில்லி எல்லையினுள் விவசாயிகள் நுழையாத வகையில் தில்லி எல்லைகளில் தடுப்புகளுக்கு மத்தியில் கான்கிரீட் தடுப்பு அமைக்கப்பட்டது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com