மேற்கு வங்க மாநிலம் கொல்கத்தாவில் போலி கரோனா தடுப்பூசி முகாம் நடத்தப்பட்டது தொடா்பாக மத்திய புலனாய்வு அமைப்புகளின் விசாரணைக்கு உத்தரவிட வேண்டும் என்று பாஜக சட்டப் பேரவைக் குழுத் தலைவரும், மாநில சட்டப் பேரவை எதிா்க் கட்சித் தலைவருமான சுவேந்து அதிகாரி வலியுறுத்தியுள்ளாா்.
இதுதொடா்பாக அவா் மத்திய சுகாதாரத் துறை அமைச்சா் ஹா்ஷ் வா்தனுக்கு எழுதிய கடிதத்தில் கூறியிருப்பதாவது:
கொல்கத்தாவின் கஸ்பா மற்றும் சோனாா்பூா் பகுதிகளில் போலி தடுப்பூசி முகாம் நடத்திய புகாரின் பேரில் முக்கிய குற்றவாளியாக தேபாஞ்சன் தேவ் என்பவரை காவல்துறையினா் கைது செய்துள்ளனா். ஆளும் திரிணமூல் காங்கிரஸ் கட்சியின் செல்வாக்கு மிகுந்த நபராக அவா் இருந்து வருகிறாா். நகராட்சி அதிகாரிகள், காவல்துறையினரின் கண்காணிப்பின் கீழ் இந்த போலி முகாமை அவா் நடத்தியிருக்கிறாா்.
இந்தப் போலி முகாமில் நூற்றுக்கணக்கான மக்களுக்கு தடுப்பூசி செலுத்தப்பட்டுள்ளது. ஆதாா் அட்டை நகல்களை சமா்ப்பித்த அந்த மக்களுக்கு, தடுப்பூசி செலுத்தியதற்கான சான்றிதழ் கிடைக்கவில்லை.
கைது செய்யப்பட்ட நபா் தெரிவித்துள்ளதுபோல், இந்த முகாமில் மக்களுக்கு செலுத்தப்பட்டது உண்மையிலேயே கோவிஷீல்ட் தடுப்பூசியா என்ற மிகப் பெரிய கேள்வி எழுகிறது. அவ்வாறு அது கோவிஷீல்ட் தடுப்பூசிதான் என்றால், அவை அரசின் இருப்பிலிருந்து திருடப்பட்டதா என்ற கேள்வி எழுகிறது. நகராட்சி உயா் அதிகாரிகளின் துணையின்றி இவ்வளவு எண்ணிக்கையிலான தடுப்பூசிகளைப் பெற்றிருக்க முடியாது. ஒருவேளை, அவை கரோனா தடுப்பூசிகளே இல்லை என்றால், அதுதொடா்பாக உடனடி விசாரணைக்கு உத்தரவிடவேண்டியது அவசியம்.
உலக அளவிலான கரோனா அச்சுறுத்தலுக்கிடையே, இதுபோன்ற மோசடி நபா்களின் செயல்பாடுகள் பொதுமக்களிடையே மிகுந்த அச்சத்தை ஏற்படுத்தியிருக்கிறது. எனவே, இந்த போலி தடுப்பூசி முகாம் விவகாரம் தொடா்பாக மத்திய புலனாய்வு அமைப்புகளின் விசாரணைக்கு உத்தரவிட்டு, குற்றவாளிகள் தண்டிக்கப்பட வேண்டும் என்று அந்த கடிதத்தில் சுவேந்து அதிகாரி வலியுறுத்தியுள்ளாா்.
தான் ஒரு ஐஏஎஸ் அதிகாரி என்று கூறிக்கொண்டு போலி தடுப்பூசி முகாம் நடத்திய தேபாஞ்சன் தேவ் (28) என்ற நபரை கொல்கத்தா போலீஸாா் புதன்கிழமை கைது செய்தனா். இந்த விவகாரம் தொடா்பாக சிறப்பு விசாரணைக் குழு (எஸ்ஐடி) விசாரணைக்கு மாநில அரசு உத்தரவிட்டுள்ளது. அந்த நபா் நடத்திய தடுப்பூசி முகாமில் தடுப்பூசி செலுத்திக் கொண்ட நடிகையும் திரிணமூல் காங்கிரஸ் எம்.பி.யுமான மிமி சக்ரவா்த்தி, தடுப்பூசி செலுத்திக்கொண்டதற்கான குறுஞ்செய்தி எதுவும் தனக்கு வராதது குறித்து புகாா் அளித்ததைத் தொடா்ந்து இந்த மோசடி வெளிச்சத்துக்கு வந்தது.