Enable Javscript for better performance
மத்திய அரசு ஊழியர்களுக்கு அகவிலைப்படி: இந்த ஆண்டில் மட்டும் எவ்வளவு உயர்வு?- Dinamani

சுடச்சுட

    மத்திய அரசு ஊழியர்களுக்கு அகவிலைப்படி: இந்த ஆண்டில் மட்டும் எவ்வளவு உயர்வு?

    By DIN  |   Published on : 21st October 2021 03:49 PM  |   அ+அ அ-   |    |  

    opposition-boycotting-presidents-address-at-parliament-tomorrow

    மத்திய அரசு ஊழியர்களுக்கு அகவிலைப்படி: இந்த ஆண்டில் மட்டும் எவ்வளவு உயர்வு

     

    புது தில்லி: மத்திய அரசு ஊழியா்களுக்கு அகவிலைப்படி 3 சதவீதம் உயா்த்தி வழங்கப்படும் என்று மத்திய அரசு இன்று உத்தரவிட்டுள்ளது.

    மத்திய அரசு ஊழியா்கள் மற்றும் ஓய்வூதியா்களுக்கு அகவிலைப்படியை 3 சதவீதம் உயா்த்தி வழங்க மத்திய அரசு உத்தரவிட்டுள்ளது. மேலும்,. ஜூலை 1-ஆம் தேதியை அடிப்படையாகக் கணக்கிட்டு, முன்தேதியிட்டு புதிய அகவிலைப்படி வழங்கப்படும்.

    கரோனா பரவல் காரணமாக, கடந்த ஆண்டு ஜனவரி 1, கடந்த ஆண்டு ஜூலை 1, இந்த ஆண்டு ஜனவரி 1 ஆகிய 3 தவணைகளில் அகவிலைப்படி வழங்குவது நிறுத்தி வைக்கப்பட்டிருந்தது. நிலுவை காலத்துக்கும் சோ்த்து இந்த ஆண்டு கடந்த ஜூலை மாதம் 11 சதவீதம் அகவிலைப்படி உயா்த்தப்பட்டது.  2020 ஜனவரி 1 முதல் 2021 ஜூன் 30 வரையிலான காலகட்டத்துக்கு அகவிலைப்படி நிலுவை வழங்கப்பட மாட்டாது என்றும் அப்போது அறிவிக்கப்பட்டது. 

    இந்த நிலையில் தற்போது மீண்டும் அகவிலைப்படி 3% உயர்த்தி வழங்கப்படும் என்று அறிவிக்கப்பட்டுள்ளது. அகவிலைப்படி உயா்வால் மத்திய அரசு ஊழியா்கள் 47.14 லட்சம் பேரும், ஓய்வூதியதாரா்கள் 68.62 லட்சம் பேரும் பயனடைவாா்கள். இதனால், அரசுக்கு கூடுதலாக ரூ.9,488.70 கோடி செலவாகும் என்று தெரிவிக்கப்பட்டுள்ளது.

    கடந்த ஜூலை மாதம் 11 சதவீத அகவிலைப்படி உயர்த்தப்பட்டதன் மூலம் மத்திய அரசு ஊழியர்களின் அகவிலைப்படி 17 சதவீதத்திலிருந்து 28 சதவீதமாக உயர்த்தப்பட்டது. தற்போது இன்று வெளியிடப்பட்டிருக்கும் புதிய அறிவிப்பின் மூலம் மத்திய அரசு ஊழியர்களின் அகவிலைப்படி 31 சதவீதமாக உயர்ந்துள்ளது.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp