Enable Javscript for better performance
12 உயர் நீதிமன்றங்களுக்கு 68 நீதிபதிகள் பரிந்துரை- Dinamani

சுடச்சுட

    12 உயர் நீதிமன்றங்களுக்கு 68 நீதிபதிகள் பரிந்துரை

    By DIN  |   Published on : 04th September 2021 11:34 AM  |   அ+அ அ-   |    |  

    Rococo gas leak accident case: Supreme Court bans National Green Fire Order

    கோப்புப்படம்

    உச்ச நீதிமன்ற தலைமை நீதிபதி என்.வி. ரமணா தலைமையிலான மூன்று நீதிபதிகள் கொண்ட கொலிஜியம், ஒரே நேரத்தில் 12 உயர் நீதிமன்றங்களுக்கு 68 நீதிபதிகளை மத்திய அரசுக்கு பரிந்துரை செய்துள்ளது.

    அலகாபாத், ராஜஸ்தான், கொல்கத்தா, ஜார்க்கண்ட், ஜம்மு காஷ்மீர், மதராஸ், மத்தியப் பிரதேசம், கர்நாடகா, பஞ்சாப் மற்றும் ஹரியாணா, கேரளா, சத்தீஸ்கர், அசாம் ஆகிய நீதிமன்றங்களுக்கு நீதிபதிகள் பரிந்துரை செய்யப்பட்டுள்ளனர்.

    கடந்த ஆகஸ்ட் 25 மற்றும் செப்டம்பர் 1 ஆகிய தேதிகளில், கொலிஜியம் ஆலோசனைக் கூட்டம் நடைபெற்றது. 82 வழக்கறிஞர்கள், 31 கீழமை நீதிமன்ற நீதிபதிகள் என 112 பேர் பரிசீலனைக்கு எடுத்துக் கொள்ளப்பட்டனர். அதில், 44 வழக்கறிஞர்கள், 24 கீழமை நீதிமன்ற நீதிபதிகள் ஆகியோரை உயர் நீதிமன்ற நீதிபதிகளாக நியமிக்க ஒப்புதல் அளிக்கப்பட்டது.

    பழங்குடியினத்தைச் சேர்ந்த பெண் நீதிபதியான மார்லி வான்குங்கை குவஹாத்தி உயர் நீதிமன்றத்திற்கு கொலிஜியம் பரிந்துரை செய்தது. மிசோரம் மாநிலத்தை சேர்ந்த ஒருவர் உயர் நீதிமன்றத்திற்கு நியமிக்கப்பட்டிருப்பது இதுவே முதல்முறை. இம்முறை, மொத்தமாக 10 பெண்கள் நீதிபதிகளாக பரிந்துரைக்கப்பட்டுள்ளனர். 

    இதையும் படிக்ககாலத்தின் சவால்களைக் கடந்து இந்தியா-ரஷியா நட்புறவு நீடிப்பு

    கடந்த ஆகஸ்ட் 17ஆம் தேதி, தெலங்கானா உயர் நீதிமன்றத்திற்கு ஏழு நீதிபதிகள் பரிந்துரைக்கப்பட்டதையடுத்து, அதே நாள் உச்ச நீதிமன்றத்திற்கு 9 நீதிபதிகள் பரிந்துரை செய்யப்பட்டனர். பரிந்துரைக்கப்பட்ட 9 நீதிபதிகளையும் உச்ச நீதிமன்ற நீதிபதிகளாக மத்திய அரசு நியமித்தது. இதையடுத்து, வரலாற்றில் முதல்முறையாக ஒன்பது நீதிபதிகளும் ஒரே நேரத்தில் பதவியேற்றுக்கொண்டனர்.  
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp