தில்லி அரசுப் பள்ளிகளைப் பார்வையிடுவது பெருமை: அரவிந்த் கேஜரிவால்

தில்லி அரசுப் பள்ளிகளை தமிழக முதல்வர் மு.க.ஸ்டாலின் நேரில் பார்வையிட்டது எங்களுக்குப் பெருமையான நிகழ்வு என்று முதல்வர் அரவிந்த் கேஜரிவால் தெரிவித்துள்ளார். 

தில்லியில் முதல்வர் அரவிந்த் கேஜரிவாலுடன் இணைந்து மாதிரிப்  பள்ளிகளையும், ஆரம்ப சுகாதார நிலையங்களையும் முதல்வர் மு.க.ஸ்டாலின் நேரில் பார்வையிட்டார். 

படிக்க | கல்விக்கும் மருத்துவத்திற்கும் முக்கியத்துவம்: மு.க.ஸ்டாலின்

இதன் பின்னர் செய்தியாளர்களிடம் பேசிய அரவிந்த் கேஜரிவால், தில்லி வினோத் நகரிலுள்ள ராஜ்கியா சர்வோதயா மாதிரிப் பள்ளிகளை தமிழக முதல்வர் மு.க. ஸ்டாலின் நேரில் பார்வையிட்டார். அதனைத் தொடர்ந்து பள்ளிகளுக்கு அருகிலுள்ள மோஹல்லா கிளினிக்கையும் பார்வையிட்டு மருத்துவர்கள் மற்றும் ஊழியர்களுடன் கலந்துரையாடினார். 

கல்வியின் முன்னோடி மாநிலத்தின் முதல்வர், தில்லி அரசுப் பள்ளிகளைப் பார்வையிட்டது எங்களுக்குப் பெருமையானது என்று கூறினார்.