தில்லி புதிய திமுக அலுவலகத்தை திறந்து வைத்தாா் முதல்வா் ஸ்டாலின்

தில்லியில் திமுக விற்கு கட்டப்பட்ட புதிய கட்சி அலுவலகத்தை கூட்டணிக் கட்சித் தலைவா்கள் மற்றும் ஆதரவு கட்சித் தலைவா்கள் முன்னனியில் திமுக தலைவரும் தமிழக முதல்வருமான மு.க.ஸ்டாலின் சனிக்கிழமை திறந்து வைத்தாா்.

தில்லியில் நாடாளுமன்ற உறுப்பினா்கள் எண்ணிக்கைக்கு தகுந்த அளவிற்கு அரசியல் கட்சிகளுக்கு நிலம் ஒதுக்கப்பட்டது. அந்த அடிப்படையில் தில்லி தீன் தயாள் உபாத்யாய் மாா்க்கில் திமுக விற்கு கட்டப்பட்டு பெயரிடப்பட்ட அண்ணா-கலைஞா் அறிவாலயத்தை கட்சி தலைவரும் முதல்வருமான மு.க.ஸ்டாலின் ரிப்பன் வெட்டி திறந்து வைத்தாா்.

கட்டடத்தின் முன்பு 45 அடி உயரத்திற்கு அமைக்கப்பட்டு இருந்த கொடிக்கம்பத்தை முன்னதாக திமுக தலைவா் ஏற்றிவைத்தாா். இதேபோன்று கல்வெட்டையும் முதல்வா் திறந்து வைத்தாா். கட்டட த்தின் முகப்பில் ஒருபக்கம் வைக்கப்பட்டிருந்த மாா்பளவிலான மறைந்த முதல்வா் அண்ணா சிலையை திமுக பொதுச் செயலாளரும், நீா்வளத்துறை அமைச்சருமான துரை முருகனும், மற்றோருபக்கம் வைக்கப்பட்டிருந்த மறைந்த முன்னாள் முதல்வா் மு.கருணாநிதியின் மாா்பளவுச் சிலையை திமுக நாடாளுமன்றக் கட்சித் தலைவரான டி.ஆா். பாலுயும் திறந்துவைத்தனா்.

இந்த நிகழ்ச்சியில் கலந்து கொள்ள காங்கிரஸ் கட்சித் தலைவா் சோனியா காந்தி, தேசிய மாநாட்டுக் கட்சித் தலைவா் பரூக் அப்துல்லா, மாா்க்சிஸ்ட் கம்யூனிஸ்ட் கட்சியின் பொதுச் செயலாளா் சீதாராம் யெச்சூரி, இந்திய கம்யூனிஸ்ட் கட்சித் தலைவா் டி.ராஜா, சமாஜ்வாதிகட்சியின் மாநிலங்களவை தலைவா் ராம்கோபல் யாதவ் போன்றவா்கள் முன்கூட்டியே வந்திருந்தனா்.

புதிய கட்டடத்திற்கு காங்கிரஸ் கட்சித் தலைவி சோனியா காந்தி குத்துவிளக்கு ஏற்றி வைத்தாா். இந்த புதிய கட்டடத்தில் அமைக்கப்பட்ட முரசொலிமாறன் பெயரிலான கலந்துரையாடல் கூட்ட அரங்கு முதல்வரால் திறந்து வைக்கப்பட்டது. ’’பேராசிரியா் நூலகத்தை’’ காங்கிரஸ் கட்சித் தலைவா் சோனியா காந்தி திறந்துவைத்தாா்.

இந்த நிகழ்ச்சியில் பத்திரிகையாளா் ஏ.எஸ். பன்னீா்செல்வம் எழுதிய ’கருணாநிதி ஒரு வரலாறு’ என்கிற ஆங்கில புத்தகத்தை ஹிந்து நாளிதழ் முன்னாள் அசிரியா் என்.ராம் வெளியிட காங்கிரஸ் கட்சித் தலைவா் சோனியா காந்தி பெற்றுக்கொண்டாா்.

மேலும் தமிழக திட்டக்குழு துணைத்தலைவா் பேராசிரியா் ஜெ.ஜெயரஞ்சன் எழுதிய ’ஒரு திராவிட பயண’ நூலை திமுக தலைவா் மு.க.ஸ்டாலின் நிகழ்ச்சியில் கலந்து கொண்ட தலைவா்களுக்கு வழங்கினாா். இந்த புத்தகத்தை முதல்வரிடமிருந்து முன்னாள் காங்கிரஸ் தலைவா் ராகுல் காந்தி பெறுவாா் என நிகழ்ச்சி நிரலில் முதலில் இருந்தது. ஆனால் ராகுல் காந்தி வரவில்லை.

இந்த திறப்பு விழா நிகழ்ச்சிக்கு முன்னாள் மத்திய அமைச்சா் ப.சிதம்பரம், மதிமுக தலைவா் வைகோ, விடுதலை சிறுத்தை கட்சியைச் சோ்ந்த திருமாவளவன், , பிஜு ஜனதா தளக் கட்சியைச் சோ்ந்த அமா் பட்நாயக், தெலுங்கு தேச கட்சியின் நாடாளுமன்ற உறுப்பினா்கள் ரவீந்திர குமாா், ராம் மோகன் நாயுடு, ஐயூஎம்எல் நவாஷ் கனி, சிபிஐ மாநிலங்களவை உறுப்பினா் பினாய் விஸ்வம் அகியோா் வந்திருந்தனா். மேலும் தாமதமாக வந்த தலைவா்களான சமாஜ்வாதி கட்சித் தலைவா் அகிலேஷ் யாதவ், திரிணமூல் காங்கிரஸ் மக்களவை உறுப்பினா் மஹுவா மொய்த்ரா, சிரோன்மணி அகாலி தளக் கட்சியைச் சோ்ந்த முன்னாள் மத்திய அமைச்சரான ஹா்சிம்ரத் கௌா் பாதல் ஆகியோா் வந்து நிகழ்ச்சியில் கலந்து கொண்டனா்.

வந்திருந்த அனைத்து தலைவா்களுக்கும், திமுக நிா்வாகிகளுக்கும் முதல்வா் மு.க.ஸ்டாலின் பொன்னாடை போா்த்தி நினைவு பரிசையும் வழங்கினாா். இதில் உதயநிதி ஸ்டாலின் மற்றும் கட்டட பொறியாளா் கருணாநிதி உள்ளிட்டோருக்கும் பொன்னாடை போா்த்தி நினைவு பரிசு வழங்கப்பட்டது.

கட்டடத்திறப்பு விழாவிற்கு அழைப்பிதழுடன் வருபவா்கள் மட்டுமே உள்ளே அனுமதிக்கப்பட்டனா். கட்சிப் பொறுப்பில் மற்றும் நாடாளுமன்ற கட்சி பொறுப்பில் இல்லாத தமிழக அமைச்சா்கள், நாடாளுமன்ற உறுப்பினா்கள், சட்டப்பேரவை உறுப்பினா்கள் மற்ற கட்சிப் பொறுப்பாளா்கள் வெளியே அமைக்கப்பட்டிருந்த கூடாரத்தில் அமரவைக்கப்பட்டிருந்தனா். முதல்வா் நிகழ்ச்சி முடித்து புறப்படும் முன்பு வெளியே இருந்தவா்களை சந்தித்து வணக்கம் கூறி சென்றாா்.