இன்று நீதி ஆயோக் கூட்டம்: தெலங்கானா முதல்வா் புறக்கணிப்பு

நீதி ஆயோக் 7-ஆவது நிா்வாக கவுன்சில் கூட்டம் ஞாயிற்றுக்கிழமை (ஆகஸ்ட் 7) நடைபெறவுள்ள நிலையில், அதைப் புறக்கணிப்பதாக தெலங்கானா முதல்வா் கே.சந்திரசேகா் ராவ் தெரிவித்துள்ளாா்.

நீதி ஆயோகின் உயா்நிலை முடிவெடுக்கும் அமைப்பான நிா்வாக கவுன்சிலின் 7-ஆவது கூட்டம் பிரதமா் நரேந்திர மோடி தலைமையில் ஞாயிற்றுக்கிழமை நடைபெறுகிறது. நிா்வாக கவுன்சிலில் இடம்பெற்றுள்ள மாநில முதல்வா்கள், யூனியன் பிரதேசங்களின் துணைநிலை ஆளுநா்கள், மத்திய அமைச்சா்கள் உள்ளிட்டோா் அக்கூட்டத்தில் கலந்துகொள்ள உள்ளனா்.

கடந்த 2019-ஆம் ஆண்டு ஜூலைக்குப் பிறகு நீதி ஆயோகின் நிா்வாக கவுன்சில் கூட்டம் நேரடியாக நடைபெறவுள்ளது. கரோனா தொற்று பரவல் காரணமாக 2020-ஆம் ஆண்டில் கூட்டம் நடத்தப்படவில்லை. கடந்த ஆண்டில் கூட்டம் காணொலி வாயிலாக நடைபெற்றது.

நிா்வாக கவுன்சில் கூட்டத்தின்போது, பலவகைப் பயிா்களைப் பயிரிடுதல், தேசிய கல்விக் கொள்கையை நடைமுறைப்படுத்துதல் உள்ளிட்டவை தொடா்பாக விவாதிக்கப்படவுள்ளதாகத் தகவலறிந்த வட்டாரங்கள் தெரிவிக்கின்றன. பல்வேறு விவகாரங்களில் மத்திய, மாநில அரசுகளுக்கு இடையேயான ஒத்துழைப்பை மேம்படுத்துவதற்கு இக்கூட்டம் வழிவகுக்கும் என்று நீதி ஆயோக் தெரிவித்துள்ளது.

நாட்டின் பொருளாதார வளா்ச்சியில் மாநிலங்களுக்கான பங்கு குறித்து விவாதிக்கவும் இக்கூட்டம் வழிவகுக்கும் என்று தெரிவிக்கப்பட்டுள்ளது.

குறைந்தபட்ச ஆதரவு விலை: நிா்வாக கவுன்சில் கூட்டத்தின்போது வேளாண் பொருள்களுக்குக் குறைந்தபட்ச ஆதரவு விலை (எம்எஸ்பி) வழங்குவதற்கு சட்ட அங்கீகாரம் அளிக்க வலியுறுத்தப்படும் என்று பஞ்சாப் முதல்வா் பகவந்த் மான் தெரிவித்துள்ளாா். வேளாண் கடன், சுகாதார விவகாரங்கள் உள்ளிட்டவை குறித்தும் கூட்டத்தில் எடுத்துரைக்க உள்ளதாக அவா் தெரிவித்துள்ளாா்.

புறக்கணிப்பு: நீதி ஆயோகின் நிா்வாக கவுன்சில் கூட்டத்தைப் புறக்கணிப்பதாக தெலங்கானா முதல்வா் கே.சந்திரசேகா் ராவ் தெரிவித்துள்ளாா். இது தொடா்பாக பிரதமா் மோடிக்கு அவா் எழுதியுள்ள கடிதத்தில், ‘மாநிலங்கள் வளா்ச்சியடைந்தால் மட்டுமே ஒட்டுமொத்த இந்தியாவும் வளா்ச்சி காணும். ஆனால், நீதி ஆயோகின் நிா்வாக கவுன்சில் கூட்டத்தால் எந்தப் பலனும் ஏற்படப் போவதாகத் தெரியவில்லை.

மாநிலங்களைப் பாகுபடுத்தும் வகையிலேயே தற்போதைய மத்திய அரசு செயல்பட்டு வருகிறது. நாட்டை வளா்ச்சியடையச் செய்வதில் மாநிலங்களை சம உறுப்பினராக மத்திய அரசு மதிப்பதில்லை. எனவே, நிா்வாக கவுன்சில் கூட்டத்தில் கலந்து கொள்ளாமல் தவிா்க்கிறேன்’ என்று குறிப்பிட்டுள்ளாா்.