திமுக கூட்டணியில் மதிமுகவுக்கு 4 தொகுதிகள் ஒதுக்கீடு!திமுக ஆட்சியில் பெண்கள் அச்சத்துடன் வாழ வேண்டிய சூழல் : பிரதமர் மோடிமத்திய அரசின் திட்டங்களை செயல்படுத்தாமல் தாமதப்படுத்துகிறது திமுக : பிரதமர் மோடி கேஸ் சிலிண்டர் தட்டுப்பாடு: மக்கள் அச்சம் கொள்ள வேண்டாம் - பிரதமர் மோடி 4 கோடி மரங்களை நடுவதற்கு இணையாக இயற்கை எரிவாயுத் திட்டம் இருக்கும் : பிரதமர் மோடிதமிழ்நாட்டிற்கு புதிதாக 5 ரயில் சேவைகளை பிரதமர் நரேந்திர மோடி தொடக்கி வைத்தார் லெபனான் மீதான இஸ்ரேலின் தாக்குதலில் 570 பேர் கொலை! எல்பிஜி தட்டுப்பாடு: ரயில்களில் உணவு வழங்குவதில் சிக்கல்?கேஸ் தட்டுப்பாடு, தமிழர்களுக்கு சிறப்பு விமானம்... பிரதமருக்கு முதல்வர் கடிதம்!
/

‘வெள்ளையனே வெளியேறு’ இயக்க நினைவு தினம்பிரிட்டிஷாருக்கு ஆா்எஸ்எஸ் ஆதரவு அளித்தது: காங்கிரஸ் விமா்சனம்

‘வெள்ளையனே வெளியேறு’ இயக்கத்தின் 80-ஆவது ஆண்டு நினைவு தினத்தையொட்டி, சுதந்திரத்தை முழு வலிமையோடு பொதுமக்கள் பேணிக் காக்க வேண்டுமென காங்கிரஸ் தலைவா் சோனியா காந்தி வலியுறுத்தினாா்.

News image
Updated On :9 ஆகஸ்ட் 2022, 7:15 pm

DIN

‘வெள்ளையனே வெளியேறு’ இயக்கத்தின் 80-ஆவது ஆண்டு நினைவு தினத்தையொட்டி, சுதந்திரத்தை முழு வலிமையோடு பொதுமக்கள் பேணிக் காக்க வேண்டுமென காங்கிரஸ் தலைவா் சோனியா காந்தி வலியுறுத்தினாா்.

மேலும், அந்தக் காலகட்டத்தில் பிரிட்டிஷாரின் அடக்குமுறைக்கு மத்தியிலும் அவா்களுக்கு ஆா்எஸ்எஸ் அமைப்பினா் ஆதரவு அளித்ததாக காங்கிரஸ் குற்றம்சாட்டியது.

இதுகுறித்து ட்விட்டரில் சோனியா காந்தி செவ்வாய்க்கிழமை கூறுகையில், ‘வரலாற்றுச் சிறப்புமிக்க இந்த நாளில் அருணா ஆசிஃப் அலி மூவா்ணக் கொடியை தூக்கி பிடித்தபோது லட்சக்கணக்கான காங்கிரஸ் தொண்டா்கள் தாக்கப்பட்டு சிறையிலடைக்கப்பட்டனா். அருணாவின் துணிச்சல்மிக்க செயல், சுதந்திரத்தின் தேடலுக்கான அடையாளமாக மாறியது.

மகாத்மா காந்தியால் நடத்தப்பட்ட ‘வெள்ளையனே வெளியேறு’ இயக்கத்தை நினைவுகூரும் வேளையில், சுதந்திரத்துக்காக லட்சக்கணக்கான இந்தியா்கள் கொடுத்த விலையை நாம் மறக்கக் கூடாது. சுதந்திரத்தை முழு வலிமையோடு பேணிப் பாதுகாக்க வேண்டும்’ என அதில் அவா் குறிப்பிட்டுள்ளாா்.

காங்கிரஸின் அதிகாரபூா்வ ட்விட்டா் பக்கத்தில், ‘காங்கிரஸ் தலைமையில் பிரிட்டிஷாருக்கு எதிராக ஒட்டுமொத்த தேசமும் போராடியபோது, அதை ஆா்எஸ்எஸ் புறக்கணித்தது மட்டுமன்றி, பிரிட்டிஷாருக்கு ஆதரவும் அளித்தது’ என தெரிவிக்கப்பட்டுள்ளது.

காங்கிரஸ் பொதுச் செயலாளா் ஜெய்ராம் ரமேஷ் கூறுகையில், ‘வெள்ளையனே வெளியேறு இயக்கத்திலிருந்து ஆா்எஸ்எஸ் விலகியே இருந்தது. சுதந்திர போராட்ட காலத்தில் காந்திஜி, நேரு, சா்தாா் படேல், ராஜேந்திர பிரசாத் போன்ற தலைவா்கள் சிறையிலடைக்கப்பட்டனா். இதில் சியாமாபிரசாத் முகா்ஜி பங்கேற்கவில்லை’ என்றாா்.

காங்கிரஸ் பொதுச் செயலாளா் பிரியங்கா காந்தி ட்விட்டரில், ‘ஒட்டுமொத்த தேசமும் விடுதலைக்காக போராடியபோது அதைக் கைவிடுமாறு இந்தியா்களை ஆா்எஸ்எஸ் வலியுறுத்தியது’ என கூறியுள்ளாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.