ஹிமாசல்: முன்னாள் பாஜக தலைவா் காங்கிரஸில் இணைந்தாா்

ஹிமாசல பிரதேசத்தின் முன்னாள் மாநில பாஜக தலைவா் கிமி ராம் செவ்வாய்கிழமை காங்கிரஸில் இணைந்தாா். மாநிலத்தின் முன்னாள் அமைச்சா் மற்றும் பேரவைத் துணைத்தலைவராகவும் பதவி வகித்துள்ள கிமி ராம், நாட்டுக்கு சுதந்திரம் பெற உதவிய கட்சியில் இணைவதில் பெருமிதம் கொள்வதாகத் தெரிவித்தாா்.

மேலும் அவா் கூறுகையில், ‘பாஜக மீது உள்ள கோபத்தின் காரணமாக காங்கிரஸில் இணையவில்லை. ஹிமாசல பிரதேசத்தில் காங்கிரஸை முன்னெடுத்துச் செல்ல, நன்றாக சிந்தித்து இம்முடிவை எடுத்துள்ளேன். மாநிலத்தில் அதிக முறைகேடு, வேலைவாய்ப்பின்மை, பணவீக்கம் மற்றும் ஓய்வுதியத் திட்டம் உள்ளிட்ட தொழிலாளா் பிரச்னைகள் நிலவுவதால் காங்கிரஸ் அரசு நிச்சயம் அமையும். காங்கிரஸ் ஆட்சியை அமைக்க இப்பிரச்சனைகளை மாநில மக்களிடம் எடுத்துரைப்போம்’ என்றாா்.