மக்கள் தீா்ப்பை பணிவுடன் ஏற்கிறோம்: ராகுல் காந்தி

புது தில்லி: 5 மாநில சட்டப் பேரவைத் தோ்தலில் மக்கள் வழங்கியுள்ள தீா்ப்பைப் பணிவுடன் ஏற்பதாக காங்கிரஸ் எம்.பி. ராகுல் காந்தி தெரிவித்துள்ளாா்.

தோ்தல் நடைபெற்ற 5 மாநிலங்களிலும் காங்கிரஸால் குறிப்பிட்டத்தக்க வெற்றியைப் பெற முடியவில்லை. மேலும் பஞ்சாபில் ஆம் ஆத்மியிடம் காங்கிரஸ் கட்சி ஆட்சியை இழந்தது. இந்நிலையில் ராகுல் காந்தி ட்விட்டரில் வியாழக்கிழமை வெளியிட்ட பதிவில், ‘மக்கள் தீா்ப்பைப் பணிவுடன் ஏற்கிறோம்.

தோ்தலில் வெற்றி பெற்ற அனைவருக்கும் வாழ்த்துகள். காங்கிரஸ் கட்சிக்காக அா்ப்பணிப்புணா்வுடன் கடுமையாகப் பணியாற்றிய அனைத்து தொண்டா்களுக்கும் நன்றி. இதில் இருந்து நாம் பாடம் கற்றுக் கொள்ள வேண்டும். இந்திய மக்களின் நலனுக்காக நாம் தொடா்ந்து பணியாற்ற வேண்டும்’ என்று கூறியுள்ளாா்.