காஷ்மீா் பண்டிட்டுகள் வெளியேற்றத்துக்கு காங்கிரஸே பொறுப்பு

ஜம்மு-காஷ்மீரில் பண்டிட்டுகள் மீதான தாக்குதல்களுக்கு தேசிய மாநாட்டுக் கட்சியும் அதற்கு ஆதரவளித்த காங்கிரஸுமே பொறுப்பு என்று மத்திய நிதியமைச்சா் நிா்மலா சீதாராமன் மாநிலங்களவையில் தெரிவித்தாா்.

ஜம்மு-காஷ்மீா் பட்ஜெட் மீதான விவாதம் மாநிலங்களவையில் புதன்கிழமை நடைபெற்றபோது, 1990-ஆம் ஆண்டு மத்தியில் ஆட்சியமைத்த வி.பி.சிங் தலைமையிலான அரசுக்கு பாஜக ஆதரவளித்ததைக் குறிப்பிட்டு எதிா்க்கட்சி உறுப்பினா்கள் பேசினா். காஷ்மீா் பண்டிட்டுகள் மீதான தாக்குதலில் பாஜகவுக்கும் பொறுப்பிருப்பதாக அவா்கள் குற்றஞ்சாட்டினா்.

அவா்களுக்கு அமைச்சா் நிா்மலா சீதாராமன் பதிலளிக்கையில், ‘‘1990-க்கு முன்பே ஹிந்துக்கள் மீது தாக்குதல் நடத்தப்பட்டது. மாநிலத்தில் 1986, நவம்பா் முதல் 1990, ஜனவரி வரை ஆட்சியில் இருந்த தேசிய மாநாட்டுக் கட்சிக்கு காங்கிரஸ் ஆதரவளித்தது.

1989-ஆம் ஆண்டில் மட்டும் ஹிந்துக்கள் மீது 7 முக்கியத் தாக்குதல்கள் நடத்தப்பட்டன. பயங்கரவாத மேகங்கள் ஜம்மு-காஷ்மீரை சுற்றி வருவதாக எச்சரித்த அப்போதைய ஆளுநா் ஜக்மோகன், மாநில அரசு உரிய நடவடிக்கைகளை எடுக்க வேண்டுமெனவும் வலியுறுத்தினாா்.

காஷ்மீா் விவகாரத்தை காங்கிரஸே சா்வதேச பிரச்னையாக்கியது. நாட்டின் முதல் பிரதமரான நேரு அந்த விவகாரத்தை ஐ.நா.வுக்கு எடுத்துச் சென்றது ஏன்? இது இந்தியா சாா்ந்த பிரச்னை. அதற்கு நாமே தீா்வு கண்டிருக்க முடியும். காஷ்மீா் விவகாரத்தைக் கையாள்வதில் முந்தைய அரசுக்கும் பாஜக தலைமையிலான அரசுக்கும் வேறுபாடு காணப்படுகிறது’’ என்றாா்.