இந்தியாவில் 15 முதல் 18 வயது வரையுள்ள சிறாா்களில் 80 சதவீதத்துக்கும் அதிகமானோருக்கு முதல் தவணை கரோனா தடுப்பூசி செலுத்தப்பட்டுள்ளதாக மத்திய சுகாதாரத் துறை அமைச்சா் மன்சுக் மாண்டவியா கூறினார்.
செவ்வாய்க்கிழமை காலை 7 மணி வரை, இந்தியாவில் கரோனா தடுப்பூசிகளின் மொத்த எண்ணிக்கை 192.52 கோடியைத் தாண்டியுள்ளது.
12-14 வயதிற்குப்பட்டவர்களுக்கான கரோனா தடுப்பூசி மார்ச் 16 அன்று தொடங்கப்பட்டது, இதுவரை 3.30 கோடிக்கும் அதிகமான சிறார்களுக்கு முதல் தவணை செலுத்தப்பட்டுள்ளது.
கடந்த ஜனவரி 3 முதல் 15-18 வயதுக்குட்பட்டவர்களுக்கு இந்தியா தடுப்பூசி போடத் தொடங்கியது. இதுவரை இந்த வயதினரில் 5.92 கோடி பேர் முதல் டோஸ் செலுத்தப்பட்டுள்ளது.
இளம் இந்தியா உலகின் மிகப்பெரிய தடுப்பூசி இயக்கத்தை புதிய உயரத்திற்குக் கொண்டு செல்கிறது. 15-18 வயதுக்குட்பட்ட சிறார்களில் 80 சதவீதத்திற்கும் அதிகமானோர் கரோனா தடுப்பூசியின் முதல் தவணையை எடுத்துள்ளனர் என்று மாண்டவியா ட்வீட் செய்துள்ளார்.