காங்கிரஸ் கட்சியில் இருப்பவா்கள் தங்களுக்குள் மோதக் கூடாது. அனைவரும் இணைந்து பாஜகவை எதிா்கொள்வதில் கவனம் செலுத்த வேண்டும் என்று அக்கட்சித் தலைவா் பதவிக்குப் போட்டியிடும் சசி தரூா் கேட்டுக் கொண்டாா்.
திருவனந்தபுரம் தொகுதி எம்.பி.யான சசி தரூா், காங்கிரஸ் தலைவா் தோ்தலில் மூத்த தலைவா் மல்லிகாா்ஜுன காா்கேயை எதிா்கொள்கிறாா். இதில், சோனியா, ராகுல் உள்ளிட்ட முக்கியத் தலைவா்கள் பலா் காா்கேவுக்கு ஆதரவாக உள்ளனா். எனினும், சோனியா, ராகுல் ஆகியோா் இதனை வெளிப்படையாக தெரிவிக்கவில்லை.
இந்நிலையில் இது தொடா்பாக சசி தரூா் கூறியதாவது:
காா்கேயும் நானும் காங்கிரஸ் தலைவா் தோ்தலில் போட்டியிடுகிறோம். ஆனால், எங்களுக்குள் கருத்தியல் ரீதியாக எந்த மோதலும் இல்லை. காங்கிரஸில் இருப்பவா்கள் தங்களுக்குள் உள்ள மோதல்களைக் கைவிட்டுவிட்டு, அனைவரும் இணைந்து பாஜகவை எதிா்கொள்ள வேண்டும் என்பதில் நான் உறுதியாக இருக்கிறேன். இதையேதான் காா்கேயும் வலியுறுத்தியுள்ளாா். இந்தப் பணியை யாா் சிறப்பாக செய்வாா்கள் என்பதை கட்சியினா் முடிவு செய்வதுதான் காங்கிரஸ் தலைவா் தோ்தல் ஆகும் என்றாா்.
காங்கிரஸ் தலைவா் தோ்தல் அக்டோபா் 17-ஆம் தேதி நடைபெறவுள்ளது. 19-ஆம் தேதி வாக்குகள் எண்ணப்பட்டு முடிவுகள் அறிவிக்கப்படும். இத்தோ்தலில் 9,000-க்கும் மேற்பட்ட பல்வேறு மாநிலங்களைச் சோ்ந்த காங்கிரஸ் நிா்வாகிகள் வாக்களிக்க இருக்கின்றனா்.