ஹிமாசல பிரதேச சட்டப்பேரவைக்கு நவம்பா் 12-ஆம் தேதி தோ்தல் நடைபெறும் என்று தோ்தல் ஆணையம் வெள்ளிக்கிழமை அறிவித்தது.
அதேசமயம், குஜராத் சட்டப்பேரவைத் தோ்தலுக்கான தேதி அறிவிக்கப்படவில்லை. அது விரைவில் வெளியிடப்படும் என்று எதிா்பாா்க்கப்படுகிறது.
இது தொடா்பாக தில்லியில் செய்தியாளா்களுக்கு வெள்ளிக்கிழமை பேட்டியளித்த தலைமை தோ்தல் ஆணையா் ராஜீவ் குமாா், ‘ஹிமாசல பிரதேசத்தில் மொத்தமுள்ள 68 பேரவைத் தொகுதிகளுக்கும் ஒரேகட்டமாக நவம்பா் 12-இல் தோ்தல் நடைபெறவுள்ளது. வாக்கு எண்ணிக்கை டிசம்பா் 8-இல் நடைபெறும். தோ்தல் அறிவிக்கை அக்டோபா் 17-இல் வெளியிடப்படும். இத்தோ்தலில் அதிகபட்ச வாக்காளா்களின் பங்கேற்பை உறுதி செய்வதற்காக விரிவான ஏற்பாடுகள் மேற்கொள்ளப்பட்டுள்ளன’ என்றாா்.
தோ்தல் நடத்தை விதிமுறைகள் அமலாக்க காலகட்டம் கடந்த முறை 70 நாள்களாக இருந்த நிலையில், இப்போது 57 நாள்களாக குறைக்கப்பட்டுள்ளதாகவும் அவா் கூறினாா்.
குஜராத் தோ்தல் தேதி விவகாரம்: பெரிதும் எதிா்பாா்க்கப்படும் குஜராத் சட்டப்பேரவைக்கான தோ்தல் தேதி அறிவிக்கப்படாதது குறித்து ராஜீவ் குமாரிடம் செய்தியாளா்கள் கேள்வியெழுப்பினா்.
அதற்கு, ‘தோ்தல் முன்னேற்பாடுகள், நடைமுறைகள் விரிவானவையாகும். ஹிமாசல பிரதேசம் போன்ற மாநிலங்களில் காலநிலை உள்பட பல்வேறு காரணிகளையும் கருத்தில்கொள்ள வேண்டியுள்ளது. எனவே, தோ்தல் அட்டவணை அறிவிப்பில் கடந்த முறை பின்பற்றப்பட்ட வழக்கத்தை இப்போதும் கடைப்பிடிப்பதென முடிவெடுக்கப்பட்டது. அதன்படியே, இவ்விரு மாநில தோ்தல் தேதிகளும் ஒரே நேரத்தில் அறிவிக்கப்படவில்லை’ என்று ராஜீவ் குமாா் பதிலளித்தாா்.
கடந்த 2017-இல் ஹிமாசல பிரதேச பேரவைத் தோ்தல் அட்டவணை அந்த ஆண்டு அக்டோபா் 12-ஆம் தேதியும், குஜராத் பேரவைத் தோ்தல் அட்டவணை அக்டோபா் 25-ஆம் தேதியும் அறிவிக்கப்பட்டிருந்தன. அதேசமயம், இரு மாநிலங்களிலும் வாக்கு எண்ணிக்கை டிசம்பா் 18-இல் நடைபெற்றது.
ஒரே நாளில் வாக்கு எண்ணிக்கையா?: கடந்த முறையைப் போல இப்போதும் இவ்விரு மாநில தோ்தல்களில் வாக்கு எண்ணிக்கை ஒரே தேதியில் நடைபெறுமா என்ற கேள்விக்கு, ‘குஜராத் தோ்தல் தேதி அறிவிக்கும்போது அதுகுறித்து தெரிவிக்கிறோம்’ என்றாா் ராஜீவ் குமாா்.
68 உறுப்பினா்களைக் கொண்ட ஹிமாசல பிரதேச பேரவையின் பதவிக் காலம் அடுத்த ஆண்டு ஜனவரி 8-ஆம் தேதியுடன் நிறைவடைகிறது. குஜராத் பேரவையின் பதவிக் காலம் அடுத்த ஆண்டு பிப்ரவரி 18 வரை உள்ளது. இரண்டுக்கும் இடையே 40 நாள்கள் இடைவெளி இருப்பதைச் சுட்டிக்காட்டிய ராஜீவ் குமாா், ஒரு மாநிலத்தில் மேற்கொள்ளப்படும் தோ்தல் நடைமுறைகள் மற்றொரு மாநிலத்தில் பாதிப்பை ஏற்படுத்தாது என்றாா்.
குஜராத் பேரவைத் தோ்தல் வரும் நவம்பா்-டிசம்பரில் நடத்தப்பட்டு, கடந்த முறையைப் போல இரு மாநிலங்களிலும் ஒரே நாளில் வாக்கு எண்ணிக்கை நடத்தப்பட வாய்ப்புள்ளதாகத் தெரிகிறது.
தோ்தல் இலவசங்கள்-எச்சரிக்கை: ‘ஹிமாசல் தோ்தலையொட்டி, சமூக ஊடகங்களில் பொய்யான செய்திகள், வதந்திகள் பரவுவதைத் தடுக்க தீவிர கண்காணிப்பு மேற்கொள்ளப்படும்; பணமோ, இலவச பொருள்களோ விநியோகித்து, வாக்காளா்களைக் கவர முயன்றால் உரிய நடவடிக்கை எடுக்கப்படும். தங்களால் சாத்தியப்படும் வாக்குறுதிகளை அளிக்க அரசியல் கட்சிகளுக்கு உரிமையுள்ளது. அதேசமயம், அந்த வாக்குறுதிகள் எப்படி நிறைவேற்றப்படும் என்பதை அறியும் உரிமை வாக்காளா்களுக்கு உள்ளது. எனவே, தங்களது வாக்குறுதிகளை நிறைவேற்ற தேவையான நிதியாதாரங்கள் குறித்து அரசியல் கட்சிகள் விளக்கமளிக்கும் வகையில் தோ்தல் நடத்தை விதிகளில் மாற்றம் கொண்டுவர திட்டமிடப்பட்டுள்ளது. இதுஓஎத்ஊகஈகஎ அனைத்து அரசியல் கட்சிகளும் வரும் 19-ஆம் தேதிக்குள் பதிலளிக்க ஏற்கெனவே அறிவுறுத்தப்பட்டுள்ளது’ என்றாா் ராஜீவ் குமாா்.
ஹிமாசலில் 30 ஆண்டு கால வரலாறு மாறுமா?: ஹிமாசலில் தற்போது பாஜக ஆட்சி நடைபெற்று வருகிறது. இம்மாநிலத்தில் கடந்த 30 ஆண்டுகளாக பாஜகவும் காங்கிரஸும் மாறி மாறி ஆட்சியில் இருந்து வந்துள்ளன. ஆளும் கட்சி தொடா்ந்து 2-ஆவது முறையாக ஆட்சிக்கு வந்ததில்லை. இந்த வரலாற்றை மாற்றும் நோக்குடன் பாஜக களமிறங்கியுள்ளது.
அதேசமயம், பாஜகவிடமிருந்து ஆட்சியைக் கைப்பற்றும் ஆா்வத்துடன் எதிா்க்கட்சியான காங்கிரஸ் போட்டியிடுகிறது. ஆம் ஆத்மியும் களம் காண்பதால் மும்முனைப் போட்டி இருக்கும் என எதிா்பாா்க்கப்படுகிறது.
ஹிமாசல் தோ்தல் அட்டவணை
வேட்புமனு தாக்கல் தொடக்கம்: அக்டோபா் 17
வேட்புமனு தாக்கலுக்கு கடைசி நாள்: அக்டோபா் 25
மனுக்கள் மீதான பரிசீலனை: அக்டோபா் 27
மனுக்களை திரும்பப் பெற கடைசி நாள்: அக்டோபா் 29
வாக்குப் பதிவு நாள்: நவம்பா் 12
வாக்கு எண்ணிக்கை: டிசம்பா் 8
தொகுதிகள், வாக்காளா்கள் விவரம்
மொத்த தொகுதிகள்: 68
மொத்த வாக்காளா்கள்: 55 லட்சம்
முதல்முறை வாக்காளா்கள்: 1.86 லட்சம்
80 வயதை கடந்த வாக்காளா்கள்: 1.22 லட்சம்
100 வயதை கடந்த வாக்காளா்கள்: 1,184
கடந்த தோ்தல் முடிவுகள், வாக்கு சதவீதம் (2017)
பாஜக ---44 (48.79%)
காங்கிரஸ்---21(41.68%)
சுயேச்சைகள்--2
மாா்க்சிஸ்ட்-1
பாஜக உறுதி
ஹிமாசலில் ஆட்சியை தக்கவைப்போம் என்று ஆளும் பாஜக உறுதியுடன் தெரிவித்துள்ளது. முதல்வா் ஜெய்ராம் தாக்குா் கூறுகையில், ‘பிரதமா் மோடியின் ஆசியுடன் மாநிலத்தில் கடந்த 5 ஆண்டுகளில் ரூ.10,000 கோடி மதிப்பிலான திட்டங்கள் செயல்படுத்தப்பட்டுள்ளன. இத்தோ்தலை முழு பலத்துடன் எதிா்கொள்வோம். காங்கிரஸுக்கு ஹிமாசலில் எதிா்காலம் கிடையாது’ என்றாா்.
காங்கிரஸ் விமா்சனம்
‘குஜராத்தில் வாக்காளா்களைக் கவர மாபெரும் வாக்குறுதிகள் அளிக்க பிரதமா் மோடிக்கு கூடுதல் காலம் வழங்கவே அந்த மாநிலத் தோ்தல் தேதி இப்போது அறிவிக்கப்படவில்லை’ என்று காங்கிரஸ் விமா்சித்துள்ளது.
இதுகுறித்து அக்கட்சியின் பொதுச் செயலா் ஜெய்ராம் ரமேஷ் கூறுகையில், ‘குஜராத்தில் மாபெரும் தோ்தல் வாக்குறுதிகளை அளிக்கவும் திட்டங்களைத் தொடங்கவும் பிரதமா் மோடிக்கு கூடுதல் காலம் வழங்கப்பட்டிருக்கிறது. இதில் வியப்பில்லை’ என்றாா்.
ஆம் ஆத்மி தயாா்
‘ஹிமாசல் பேரவைத் தோ்தலில் களமிறங்க நாங்கள் தயாராக உள்ளோம்’ என்று ஆம் ஆத்மி தெரிவித்துள்ளது.
இதுகுறித்து அக்கட்சியின் மூத்த தலைவா் துா்கேஷ் பாடக் கூறுகையில், ‘தோ்தலில் மக்களின் ஆதரவை வெல்வோம் என்ற முழு நம்பிக்கை உள்ளது. கிராமங்கள்தோறும் கட்சிக் குழுக்கள் அமைக்கப்பட்டு, மக்களைச் சென்றடைய கடினமாக உழைத்து வருகிறோம்’ என்றாா்.