ம.பி.யில் நடைபெறும் மகா கிரகப் பிரவேசம்: பிரதமர் மோடி பங்கேற்கிறார்

புது தில்லி: மத்தியப் பிரதேசத்தில் மார்ச் 29-ஆம் தேதி நடைபெறவுள்ள பிரதமரின் வீட்டுவசதி திட்டத்தின் கீழ் 5 லட்சத்திற்கும் மேற்பட்ட கிராமப்புற பயனாளிகளின் ‘கிரக பிரவேசத்தில்’ பிரதமர் மோடி பங்கேற்கவுள்ளார்.

மார்ச் 29 அன்று பிற்பகல் 12.30 மணிக்கு மத்தியப் பிரதேசத்தில் நடைபெறவுள்ள சுமார் 5.21 லட்சம் பிரதமரின் வீட்டுவசதி திட்டம் - கிராமப்புறம் பயனாளிகளின் ‘கிரக பிரவேசத்தில்’ பிரதமர் நரேந்திர மோடி காணொலி மூலம் பங்கேற்று உரையாற்றவுள்ளார்.

நாட்டின் ஒவ்வொரு தேவைப்படும் குடும்பத்திற்கும் அனைத்து அடிப்படை வசதிகளுடன் கூடிய ஒரு வீட்டை வழங்குவது என்பது பிரதமரின் தொடர்ச்சியான முயற்சியாகும். இந்த திசையில் மற்றொரு படியை இது குறிக்கிறது. நாட்டின் தேவையுள்ள ஒவ்வொரு குடும்பத்திற்கும் அனைத்து அடிப்படை வசதிகளுடன் கூடிய நல்ல வீடு வழங்க வேண்டும் என்பது பிரதமரின் தொடர் முயற்சி ஆகும். அத்திசையில் மற்றொரு முன்னேற்றம் இதுவாகும்.

மத்தியப் பிரதேசம் முழுவதுமுள்ள புதிய வீடுகளில் சங்கு, தீபம், மலர்கள் மற்றும் கோலங்களுடன் பாரம்பரிய கொண்டாட்டங்களுக்கு ஏற்பாடு செய்யப்பட்டுள்ளன.

பெண் கொத்தனார்கள் உட்பட ஆயிரக்கணக்கான கொத்தனார்களுக்குப் பயிற்சி அளிப்பது, சாம்பல் செங்கற்களைப் பயன்படுத்துதல், சென்ட்ரிங் பொருள்களுக்கான கடன்களின் மூலம் மகளிர் சுய உதவி குழுக்களுக்கு அதிகாரம் அளிப்பது, திட்டங்களை சிறப்பாக செயல்படுத்துவதற்கும் கண்காணிப்பதற்கும் தொழில்நுட்பத்தை பயன்படுத்துவது போன்ற பல தனித்துவமான மற்றும் புதுமையான நடவடிக்கைகளுக்கு சாட்சியாக மத்தியப் பிரதேசத்தில் செயல்படுத்தப்படும் பிரதமரின் வீட்டுவசதி திட்டம்  திகழ்கிறது.