Enable Javscript for better performance
பேரறிவாளன் வழக்கில் தீர்ப்பு தேதி குறிப்பிடாமல் ஒத்திவைப்பு- Dinamani

உடனுக்கு உடன் செய்திகள்

    முகப்பு இந்தியா

    பேரறிவாளன் வழக்கில் தீர்ப்பு தேதி குறிப்பிடாமல் ஒத்திவைப்பு

    By DIN  |   Published On : 11th May 2022 04:15 PM  |   Last Updated : 11th May 2022 04:17 PM  |  அ+அ அ-  |  

    Granted bail by SC, Rajiv Gandhi assassination case convict Perarivalan released from Puzhal prison

    பேரறிவாளன் வழக்கில் தீர்ப்பு தேதி குறிப்பிடாமல் ஒத்திவைப்பு


    புது தில்லி: பேரறிவாளனை விடுவிக்கக் கோரி தொடரப்பட்ட வழக்கில், அனைத்துத் தரப்பு வாதங்கள் நிறைவு பெற்ற நிலையில், தேதி குறிப்பிடாமல் தீர்ப்பை ஒத்திவைத்தது உச்ச நீதிமன்றம்.

    பேரறிவாளன் விடுதலை கோரி தாக்கல் செய்யப்பட்ட வழக்கு விசாரணையில், பேரறிவாளன், மத்திய, மாநில அரசுகள் தரப்பில் அனைத்து வாதங்களும் இன்று நிறைவுபெற்றது. இதையடுத்து, தீர்ப்பு தேதி குறிப்பிடப்படாமல் ஒத்திவைக்கப்பட்டுள்ளது.

    இதையும் படிக்க.. ரயில்களில் குழந்தைகளுக்கு படுக்கை வசதி: எதைச் செய்தாலும் விமர்சனம் வரும்தானே?

    ராஜீவ் காந்தி கொலை வழக்கில் தண்டனை பெற்ற பேரறிவாளன், தன்னை விடுதலை செய்யக் கோரி உச்ச நீதிமன்றத்தில் தொடரப்பட்ட வழக்கு இன்று விசாரணைக்கு வந்தது. 

    இன்று நடந்த விசாரணையின்போது, பேரறிவாளனை விடுதலை செய்யும் விவகாரத்தில் யாருக்கு அதிகாரம் உள்ளது என்பது முதல் ஆளுநரின் அதிகாரம் என பல தரப்பு வாதங்கள் முன் வைக்கப்பட்டன. மத்திய அரசுக்கு உச்ச நீதிமன்ற நீதிபதிகள் பல கேள்விகளை எழுப்பி, மத்திய அரசு வைக்கும் வாதங்களுக்கு கிடுக்குப்பிடி பதில்களையும் கொடுத்தனர்.

    முன்னாள் பிரதமா் ராஜீவ் காந்தி கொலை வழக்கின் குற்றவாளி பேரறிவாளன் தரப்பில் விடுதலை கோரி தாக்கல் செய்யப்பட்ட மனு இன்று விசாரணைக்கு வந்தது. இந்த வழக்கு உச்சநீதிமன்ற நீதிபதிகள் எல்.நாகேஸ்வரராவ், பி.ஆா். கவாய் ஆகியோா் அடங்கிய அமா்வு விசாரித்து வருகிறது.

    வழக்கு விசாரணையின் போது, அமைச்சரவையின் முடிவை குடியரசுத் தலைவருக்கு அனுப்பும் அதிகாரம் ஆளுநருக்கு உள்ளதா?

    கடந்தமுறை 2  முடிவுகளை தேர்வு செய்யக் கூறினோம். ஏதேனும் முடிவு எடுக்கப்பட்டுள்ளதா?

    ஆளுநர் சார்பில் மத்திய அரசு ஆஜராவது ஏன் என்பதற்கு பதிலளியுங்கள்..

    ஆளுநர், 2 அல்லது 3 ஆண்டுகள் பேரறிவாளன் விவகாரத்தில் முடிவெடுக்கவில்லை. ஆளுநர் முடிவெடுக்காமல் பல ஆண்டுகள் காலம் தாழ்த்தியதற்கு என்ன கூற விரும்புகிறீர்கள்? என்று மத்திய அரசுக்கு உச்ச நீதிமன்றம் அடுக்கடுக்கான கேள்விகளை எழுப்பியது.

    தன்னை விடுவிக்கக் கோரி பேரறிவாளன் தொடர்ந்த வழக்கு விசாரணையில் மத்திய அரசுக்கு உச்ச நீதிமன்றம் தொடர்ந்து சரமாரியான கேள்விகளை எழுப்பி வருகிறது. அந்த வகையில், இன்றும் பல கேள்விகள் எழுப்பப்பட்டுள்ளது.

    மத்திய அரசு தரப்பில் கூறப்பட்டதாவது, மாநில அரசுகளின் அதிகார வரம்புக்குள் வரும் வழக்குகளில் மட்டும் மாநில அரசு முடிவெடுக்கலாம். மத்திய புலனாய்வு  அமைப்புகள் விசாரணை நடத்தும் வழக்குகளில் முடிவெடுக்கும் அதிகாரம் மத்திய அரசுக்கே உள்ளது. குற்றவாளிகளுக்கான கருணை அல்லது நிவாரணம் தொடர்பாக மத்திய அரசே முடிவெடுக்க முடியும் என்று வாதிடப்பட்டது.

    இதைக் கேட்ட உச்ச நீதிமன்ற நீதிபதிகள், கொலை வழக்கில், மாநில அரசுக்கு எந்த அதிகாரமும் இல்லை என்று மத்திய அரசு கூறுவது போல உள்ளது என்று குறிப்பிட்டனர்.

    மேலும், ஆளுநரின் முடிவு மாநில அரசின் அதிகாரத்துக்குள் வருகிறது என உச்ச நீதிமன்ற நீதிபதிகள் கருத்துத் தெரிவித்தனர்.

    இன்றைய வழக்கின் விசாரணையின்போது, பேரறிவாளன் விவகாரத்தில் ஆளுநர் முடிவு தொடர்பான ஆவண நகலை உச்ச நீதிமன்றத்தில் மத்திய அரசு சமர்ப்பித்தது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp