மாட்டுச் சாணம் கிலோ 2 ரூபாய்க்கு வாங்கப்படும்: முக்கிய கட்சியின் தேர்தல் வாக்குறுதி

இமாசலப் பிரதேச மாநிலத்தில், மாட்டுச் சாணம் கிலோ 2 ரூபாய்க்கு வாங்கப்படும் என்று காங்கிரஸ் தேர்தல் அறிக்கையில் தெரிவிக்கப்பட்டுள்ளது.

இமாசலப் பிரதேசத்தில் நடைபெறவிருக்கும் சட்டப்பேரவைத் தேர்தலை முன்னிட்டு, சிம்லாவில் உள்ள காங்கிரஸ் கட்சி அலுவலகத்தில், இன்று தேர்தல் அறிக்கை வெளியிடப்பட்டது.

இமாசலில் வெற்றி பெற்று காங்கிரஸ் ஆட்சிக்கு வந்தால் நிறைவேற்றப்படும் 10 வாக்குறுதிகளை மாநில மக்களுக்கு காங்கிரஸ் அறிவித்துள்ளது.

இளைஞர்களுக்கு வேலை வாய்ப்பு, 300 யூனிட் இலவச மின்சாரம், பெண்களுக்கு மாத உதவித் தொகை என்பது உள்ளிட்ட 10 வாக்குறுதிகள் அதில் இணைக்கப்பட்டுள்ளன.

ஆளும் பாஜக அரசு, மாநில மக்களின் வாழ்க்கையை மிக மோசமாக மாற்றிவிட்டிருப்பதாகவும் தெரிவித்துள்ளது. 5 ஆண்டுகளுக்கு முன்பு பாஜகவுக்கு வாக்களித்தவர்கள் தற்போது தாங்கள் ஏமாற்றப்பட்டதை உணர்ந்துள்ளனர். காங்கிரஸ் ஆட்சிக்கு வந்தால் அனைத்து வாக்குறுதிகளும் நிறைவேற்றப்படும் என்றும் தெரிவிக்கப்பட்டுள்ளது.

காங்கிரஸ் அளித்திருக்கும் வாக்குறுதிகளில் மிக முக்கியமானவை..

பழைய ஓய்வூதியம் முறை கொண்டுவரப்படும்.
5 லட்சம் இளைஞர்களுக்கு வேலை வாய்ப்பு.
பெண்களுக்கு மாதந்தோறும் ரூ.1,500 உதவித் தொகை.
300 யூனிட் இலவச மின்சாரம்.
ஒவ்வொரு தொகுதியிலும் தலா 4 ஆங்கில வழிக் கல்வி பயிற்றுவிக்கும் பள்ளிகள்.
அனைத்து கிராமங்களிலும் இலவச மருத்துவம்
மாட்டுச் சாணம் கிலோ ரூ.2க்கு வாங்கிக் கொள்ளப்படும் என்பது உள்ளிட்ட வாக்குறுதிகள் அளிக்கப்பட்டுள்ளன.