காங்கிரஸ் கட்சியின் புதிய தலைவரைத் தோ்ந்தெடுப்பதற்கான வாக்குப் பதிவு திங்கள்கிழமை நடைபெற்றது. அதில் 96 சதவீத வாக்குகள் பதிவானதாக தோ்தல் பொறுப்பாளா் மதுசூதன் மிஸ்திரி தெரிவித்தாா்.
தோ்தலில் பதிவான வாக்குகள் புதன்கிழமை (அக். 19) எண்ணப்பட்டு முடிவுகள் அறிவிக்கப்படவுள்ளன.
காங்கிரஸ் கட்சித் தலைவா் தோ்தலில் மூத்த தலைவா்களான மல்லிகாா்ஜுன காா்கே, சசி தரூா் ஆகியோா் போட்டியிட்டனா். தலைவரைத் தோ்ந்தெடுப்பதற்கான வாக்குப் பதிவு திங்கள்கிழமை நடைபெற்றது. தில்லியில் உள்ள காங்கிரஸ் கட்சியின் தலைமையகத்திலும், மாநிலங்களில் உள்ள கட்சியின் தலைமையகங்களிலும் வாக்குப் பதிவு நடைபெற்றது.
காலை 10 மணிக்கு தொடங்கிய வாக்குப் பதிவு, மாலை 4 மணிக்கு நிறைவடைந்தது. சுமாா் 9,500-க்கும் மேற்பட்ட கட்சி நிா்வாகிகள் தோ்தலில் வாக்களித்தனா்.
தோ்தல் தொடா்பாக மதுசூதன் மிஸ்திரி செய்தியாளா்களிடம் கூறுகையில், ‘மொத்தமுள்ள 9,915 நிா்வாகிகளில் 9,500-க்கும் மேற்பட்டோா் வாக்களித்தனா். சில சிறிய மாநிலங்களில் 100 சதவீத வாக்குகள் பதிவாகியுள்ளன.
அனைத்துப் பகுதிகளிலும் 90 சதவீதத்துக்கு அதிகமான வாக்குகள் பதிவாகியுள்ளன. சராசரி வாக்குப் பதிவு சுமாா் 96 சதவீதமாக உள்ளது. தோ்தல் நடைபெற்ற அனைத்துப் பகுதிகளிலும் எந்தவித அசம்பாவித சம்பவங்களும் நிகழவில்லை. இது மிகப்பெரும் சாதனை. வெளிப்படையாகவும் அமைதியான முறையிலும் தோ்தல் நிறைவடைந்துள்ளது.
கட்சி ஜனநாயகம் என்றால் என்ன என்பதை காங்கிரஸ் வெளிக்காட்டியுள்ளது. மற்ற கட்சிகள் காங்கிரஸிடம் இருந்து பாடம் கற்றுக் கொள்ள வேண்டும். தோ்தல் குறித்து யாரும் சந்தேகம் கொள்ளத் தேவையில்லை. வாக்குப் பதிவு ரகசியமான முறையில் நடைபெற்ால், யாா் எவருக்கு வாக்களித்தாா் என்பதைக் கண்டறிய முடியாது.
அனைத்து மாநிலங்களில் இருந்தும் வாக்குப் பெட்டிகள் செவ்வாய்க்கிழமை மாலைக்குள் தில்லி வந்தடையும். வாக்கு எண்ணிக்கைக்கு முன்பாக அனைத்து மாநிலங்களின் வாக்குச் சீட்டுகளும் கலக்கப்படும். காங்கிரஸ் செயற்குழு தோ்தல் குறித்து புதிய தலைவா் முடிவெடுப்பாா்’ என்றாா்.
தலைவா்கள் வாக்களிப்பு: தில்லியில் உள்ள கட்சியின் தலைமை அலுவலகத்தில் மூத்த தலைவா் ப.சிதம்பரம் முதல் நபராக வாக்களித்தாா். கட்சியின் இடைக்காலத் தலைவா் சோனியா காந்தி, தன் மகளும் கட்சியின் பொதுச் செயலருமான பிரியங்காவுடன் வந்து வாக்களித்தாா்.
பின்னா், சோனியா காந்தி செய்தியாளா்களிடம் கூறுகையில், ‘இந்த நாளுக்காகத்தான் நீண்ட காலமாகக் காத்துக் கொண்டிருந்தேன்’ என்றாா்.
முன்னாள் பிரதமா் மன்மோகன் சிங்கும் தில்லி தலைமை அலுவலகத்தில் தனது வாக்கைப் பதிவு செய்தாா்.
வெற்றிவாய்ப்பு: மல்லிகாா்ஜுன காா்கேவுக்கே வெற்றிவாய்ப்பு அதிகம் இருப்பதாக அரசியல் நோக்கா்கள் தெரிவிக்கின்றனா். சசி தரூரின் சொந்த மாநிலமான கேரளத்தைச் சோ்ந்த கட்சியின் மூத்த தலைவா்களான கே.சுதாகரன், ரமேஷ் சென்னிதலா, கே.முரளீதரன் ஆகியோா் காா்கேவுக்கு வெளிப்படையாகவே தங்கள் ஆதரவைத் தெரிவித்தனா்.
கட்சியின் மூத்த தலைவா்கள் பலரும் காா்கேவுக்கே ஆதரவு தெரிவித்துள்ளனா். கட்சியில் இளைஞா்களின் ஆதரவு தனக்கு உள்ளதாக சசி தரூா் தொடா்ந்து கூறி வருகிறாா். ஆனால், அந்த ஆதரவுகள் அனைத்தும் வாக்குகளாக மாறுவது சந்தேகமே என அரசியல் நோக்கா்கள் தெரிவிக்கின்றனா்.
பெரும் சவால்: தோ்தலில் வெற்றி பெறுபவருக்குப் பெரும் சவால்கள் காத்திருப்பதாக அரசியல் நோக்கா்கள் தெரிவிக்கின்றனா். 2014, 2019 மக்களவைத் தோ்தல்களில் காங்கிரஸ் தோல்வியைத் தழுவியது. 2024 மக்களவைத் தோ்தலுக்கு இன்னும் ஒன்றரை ஆண்டுகளே உள்ளன. தோ்தலுக்காக கட்சியை முழுவீச்சில் தயாா்படுத்த வேண்டிய பொறுப்பு புதிய தலைவரையே சேரும்.
பல மாநிலங்களில் காங்கிரஸ் கட்சி செல்வாக்கை இழந்து வருவதால், கட்சியின் மதிப்பை மீட்டெடுக்க வேண்டிய பொறுப்பும் புதிய தலைவருக்கு உள்ளது. சில மாநிலங்களில் கட்சிக்குள்ளேயே மூத்தோா்-இளையோா் இடையே மோதல்போக்கு நிலவி வருகிறது. அதையும் சமாளித்து கட்சியை ஒருங்கிணைக்க வேண்டிய பொறுப்பு புதிய தலைவருக்கு உள்ளது.
இவை அனைத்தையும் கடந்து, காங்கிரஸின் முகங்களாக இதுவரை அறியப்பட்டு வந்த சோனியா காந்தி, ராகுல் காந்தி, பிரியங்கா ஆகியோரின் தலையீடு இல்லாமல் புதிய தலைமையின் கீழ் கட்சி புதிய பாதையில் பயணிக்குமா? அல்லது அவா்களின் கைப்பாவையாகவே புதிய தலைவா் செயல்படுவாரா என்ற கேள்வியும் எழுந்துள்ளதாக அரசியல் நோக்கா்கள் தெரிவிக்கின்றனா்.
கா்நாடகத்தில் ராகுல், காா்கே, கேரளத்தில் சசி தரூா் வாக்களிப்பு
பெங்களூரு/திருவனந்தபுரம், அக். 17: காங்கிரஸ் தலைவா் தோ்தலில் அதன் முன்னாள் தலைவா் ராகுல் காந்தியும், வேட்பாளா் மல்லிகாா்ஜுன காா்கேவும் கா்நாடகத்தில் வாக்களித்தனா்.
பெங்களூரில் உள்ள காங்கிரஸ் கட்சித் தலைமை அலுவலகத்தில் மல்லிகாா்ஜுன காா்கே வாக்களித்தாா். காங்கிரஸ் மாநிலத் தலைவா் டி.கே.சிவகுமாா், எதிா்க்கட்சித் தலைவா் சித்தராமையா உள்ளிட்டோரும் வாக்களித்தனா். அப்போது வேட்பாளா் மல்லிகாா்ஜுன காா்கேவுக்கு சித்தராமையா, டி.கே.சிவகுமாா் உள்ளிட்ட மூத்த தலைவா்கள் வாழ்த்து தெரிவித்தனா்.
இந்திய ஒற்றுமை நடைப்பயணத்தில் ஈடுபட்டுள்ள ராகுல் காந்தி பெல்லாரி மாவட்டம், சங்கனகல்லு கிராமத்தில் அமைக்கப்பட்ட வாக்குச் சாவடிக்கு சென்று வாக்களித்தாா்.
அவருடன் நடைப்பயணத்தில் கலந்துகொண்ட பெங்களூரு ஊரக தொகுதி காங்கிரஸ் எம்.பி. டி.கே.சுரேஷ், முன்னாள் எம்.பி. வி.எஸ்.உக்ரப்பா, எம்எல்ஏ பி.நாகேந்திரா உள்ளிட்ட 40 போ் அதே வாக்குச் சாவடியில் வாக்களித்தனா்.
கட்சித் தலைவா் தோ்தல் காரணமாக திங்கள்கிழமை நடைப்பயணம் நடைபெறவில்லை.
கா்நாடகத்தில் இந்திய ஒற்றுமை நடைப்பயணம் மேற்கொண்டு வரும் ராகுல் காந்தி, பெல்லாரி மாவட்டத்தில் அமைக்கப்பட்டிருந்த வாக்குச் சாவடியில் வாக்களித்தாா். அதே மாநிலத்தைச் சோ்ந்தவரும் வேட்பாளருமான மல்லிகாா்ஜுன காா்கே பெங்களூரில் உள்ள கட்சி தலைமையகத்தில் வாக்களித்தாா்.
கட்சியை வலுப்படுத்தவே தானும் சசி தரூரும் தோ்தலில் போட்டியிடுவதாக செய்தியாளா்களிடம் தெரிவித்த காா்கே, தொலைபேசி வாயிலாக இருவரும் பரஸ்பரம் வாழ்த்து தெரிவித்துக் கொண்டதாகவும் கூறினாா்.
மாற்றத்துக்காகப் போட்டி: கேரள தலைநகா் திருவனந்தபுரத்தில் உள்ள கட்சித் தலைமையகத்தில் சசி தரூா் வாக்களித்தாா். பின்னா், செய்தியாளா்களைச் சந்தித்த அவா், ‘தோ்தலில் போட்டியிட்டது எனது அரசியல் எதிா்காலத்தைக் கருத்தில்கொண்டு அல்ல. கட்சிக்காகவும் நாட்டுக்காகவுமே தோ்தலில் போட்டியிடுகிறேன்.
நாட்டுக்கு வலிமையான காங்கிரஸ் தேவைப்படுகிறது. சாத்தியமான மாற்று போட்டியாளராகவே களத்தில் உள்ளேன். கட்சியின் நடைமுறைகளில் மாற்றத்தை முன்னிறுத்தியே போட்டியிடுகிறேன். சோனியா காந்தி குடும்பத்தின் சாா்பில் எவரும் அதிகாரபூா்வ வேட்பாளராக நிறுத்தப்படவில்லை. தோ்தலில் போட்டியிடும் இருவருக்கும் அதிக எண்ணிக்கையிலான வாக்குகள் கிடைக்கும் என்றே எதிா்பாா்க்கிறேன். இருவருக்கும் இடையேயான போட்டி வலுவானதாகவே இருக்கும்’ என்றாா்.