மும்பை: இந்தியாவில் சுற்றுப் பயணம் மேற்கொள்ள இன்று அதிகாலை மும்பை வந்த ஐ.நா. பொதுச் செயலா் அன்டோனியோ குட்டெரெஸ்ஸுக்கு சிறப்பான வரவேற்பு அளிக்கப்பட்டது.
மும்பையில் உள்ள சத்ரபதி சிவாஜி மகாராஜ் சர்வதேச விமான நிலையம் வந்திறங்கிய ஐ.நா. பொதுச் செயலரை, ஐ.நா.வுக்கான இந்திய நிரந்தர தூதர் ருசிரா கம்போஜ், மகாராஷ்டிர முதன்மை செயலாளர் எம்.கே. ஸ்ரீவத்சவா உள்ளிட்டோர் வரவேற்றனர். இவர்களுடன் மும்பை ஆட்சியர், காவல்துறை ஆணையர், காவல்துறை உயர் அதிகாரிகளும் உடன் இருந்தனர்.
அன்டோனியோ குட்டெரெஸ், மும்பையில் இன்று நடைபெறும் பல்வேறு நிகழ்ச்சிகளில் கலந்து கொள்ள திட்டமிடப்பட்டுள்ளது.
21-ஆம் நூற்றாண்டுக்கு ஏற்ப பன்னாட்டு அமைப்பான ஐ.நா.வில் உடனடியாக சீா்திருத்தங்கள் மேற்கொள்ளப்பட வேண்டும் என இந்தியா தொடா்ந்து வலியுறுத்தி வருகிறது. இந்நிலையில், ஐ.நா. பொதுச் செயலா் அன்டோனியோ குட்டெரெஸ் 3 நாள்களுக்கு சுற்றுப்பயணம் மேற்கொள்வதற்காக இந்தியா வந்துள்ளார்.
சுற்றுச்சூழலுக்கான வாழ்க்கைமுறை திட்டத்தைப் பிரதமா் மோடியுடன் இணைந்து குஜராத்தில் வியாழக்கிழமை (அக். 20) குட்டெரெஸ் தொடக்கிவைக்கவுள்ளாா். வெளியுறவு அமைச்சா் எஸ்.ஜெய்சங்கருடன் அவா் இருதரப்பு பேச்சுவாா்த்தையையும் நடத்தவுள்ளாா்.