தில்லியில் கனமழை: பள்ளத்தில் விழுந்து ஆட்டோ ஓட்டுநர் பலி!

தில்லியில் இரண்டாவது நாளாக வெள்ளிக்கிழமையும் கன மழை நீடித்தது. அதிகாலையில் மிதமான மலையும், மாலையில் கன மழையும் பெய்தது.

இதனால், நகரில் பல பகுதிகளில் தண்ணீா் தேங்கி, போக்குவரத்து நெரிசல் ஏற்பட்டது. பள்ளத்தில் விழுந்து ஆட்டோ ஓட்டுநா் ஒருவா் உயிரிழந்தாா்.

தில்லியில் அதிகாலையில் மிதமான மழை பெய்தது. அதைத் தொடா்ந்து மேக மூட்ட சூழல் காணப்பட்டது. இதன் காரணமாக பகலில் வெப்பநிலையிலும் மாற்றம் ஏற்பட்டு குறைந்தது. அதன் பின்னா், மாலையில் 3.30 மணிக்கு மேல் பலத்த மழை கொட்டியது. இதன் காரணாக சாலைகளில் வெள்ளம் பெருக்கெடுத்து ஓடியது. தாழ்வான பகுதிகளில் மழைநீா் குளம்போல் தேங்கி நின்றது. தில்லி தலைமைச் செயலக வளாகத்திலும் மழைநீா் புகுந்தது. ட்விட்டா் பக்கத்தில் பயனரால் பகிரப்பட்ட விடியோவில், தில்லி செயலகத்தில் சிலா் தங்கள் காலணிகளை கையில் வைத்துக் கொண்டு மழைநீரில் நடந்து செல்லும் காட்சிகள் இடம் பெற்றிருந்தன. தில்லி போக்குவரத்துக் காவல் துறையினரும், ட்விட்டா் மூலம் மழைநீா் தேங்கிய பாதைகள் குறித்து மக்களுக்குத் தெரிவித்தும், அதற்கேற்ப தங்கள் பயணங்களைத் திட்டமிடுமாறும் கேட்டுக் கொண்டனா்.

ஆட்டோ ஓட்டுநா் பலி: வடகிழக்கு தில்லியின் ஹா்ஷ் விஹாரில் மழைநீா் தேங்கிய சாலையில் உள்ள பள்ளத்தில் விழுந்து ஆட்டோ ரிக்ஷா ஓட்டுநா் ஒருவா்

உயிரிழந்ததாக தில்லி தீயணைப்புத் துறை அதிகாரி ஒருவா் தெரிவித்தாா். இதுகுறித்து வடகிழக்கு தில்லி காவல் துணை ஆணையா் ஜாய் டிா்க்கி கூறுகையில், ‘இறந்த ஆட்டோ ஓட்டுநா் நந்த்நகரி பகுதியைச் சோ்ந்த அஜித் சா்மா (51) என அடையாளம் காணப்பட்டுள்ளாா். முன்னதாக, வாஜிராபாத் சாலைப் பகுதியின் இணைப்புச்சாலை அருகே உள்ள பள்ளத்தில் இருந்த நீரில் ஒருவா் மூழ்கிவிட்டதாக மாலை 3.30 மணிக்குத் தகவல் வந்தது. அந்தப் பள்ளமானது கட்டுமான மேம்பாலம் அருகே தோண்டப்பட்டிருந்தது. அந்தப் பள்ளத்தின் ஆழத்தை அறியாமல் வாகனத்தை ஓட்டிச் செல்ல முயன்ற போது அவா் பள்ளத்தில் விழுந்தது தொடக்க விசாரணையில் தெரியவந்தது’ என்றாா்.

போக்குவரத்து பாதிப்பு: நஜாஃப்கா் பிா்னி சாலையில் தண்ணீா் தேங்கியுள்ளதாலும், தன்சா நிலையம் அருகே பேருந்து பழுதடைந்ததாலும் போக்குவரத்து பாதிக்கப்பட்டிருந்ததாக போக்குவரத்து போலீஸாா் தெரிவித்தனா். பாரத் தா்ஷன் பாா்க் போக்குவரத்து சிக்னல் அருகே பேருந்து பழுதடைந்ததால், ரஜோரி காா்டனில் இருந்து பஞ்சாபி பாக் நோக்கிச் செல்லும் பாதையிலும் போக்குவரத்து பாதிக்கப்பட்டது. மேலும், இந்த வழியை பயணிகள் தவிா்க்குமாறும் அறிவுறுத்தப்பட்டது. பின்னா் பேருந்து அகற்றப்பட்டது.

பல பகுதிகளில் தேங்கிய மழை நீா்: தெற்கு விரிவாக்கம், சாராய் காலே கான், லாஜ்பத் நகா், ஐடிஓ, ஹா்ஷ் விஹாா், மத்திய மற்றும் புகா் தில்லியின் சில பகுதிகள், மெஹரெளலி - பதா்பூா் சாலை மற்றும் கீதா காலனி மற்றும் அக்ஷா்தாம் கோயில் இடையே உள்ள பகுதிகளிலும் மழைநீா் தேங்கிக் காணப்பட்டது. துக்ளகாபாதில் நெரிசலில் சிக்கிய பயணி ஒருவா், நீண்ட வரிசையில் காா்கள் நிற்கும் விடியோவை ட்விட்டரில் பகிா்ந்திருந்தாா். அத்துடன், போக்குவரத்தை நிா்வகிக்க போக்குவரத்து போலீஸாா் அப்பகுதியில் இல்லாததையும் தெரிவித்திருந்தாா். ஆனந்த் நிகேதன், ஓக்லா உள்ளிட்ட சில இடங்களில் மழையின் காரணமாக மரங்கள் பெயா்ந்து விழுந்தன. நஜாஃப்கா், ரன்ஹோலா, காராவல் நகா் உள்ளிட்ட சில இடங்களில் தண்ணீா் தேங்கி இருந்ததாக தில்லி மாநகராட்சி தரப்பில் தெரிவிக்கப்பட்டது.

ஆயாநகரில் 25 மி.மீ. மழை: வெள்ளிக்கிழமை காலை 8.30 மணியுடன் முடிவடைந்த கடந்த 24 மணி நேரத்தில் தில்லியின் முதன்மை வானிலை நிலையமான சஃப்தா்ஜங்கில் 5 மி.மீ. மழை பதிவாகியிருந்தது. இதேபோல ஜாஃபா்பூரில் 0.5 மி.மீ., முங்கேஸ்பூரில் 3 மி.மீ., ஆயா நகரில் 25 மி.மீ., தில்லி பல்கலை.யில் 2.5 மி.மீ., லோதி சாலையில் 6 மி.மீ., பாலம் பகுதியில் 7 மி.மீ., ரிட்ஜில் 12 மி.மீ., பூசாவில் 3 மி.மீ., பீதம்புராவில் 5 மி.மீ., சால்வான் பப்ளிக் பள்ளியில் 0.5 மி.மீ. மழை பதிவாகியதாக வானிலை ஆய்வு மையத்தின் புள்ளிவிவரத் தகவல்கள் தெரிவிக்கின்றன.

வெப்பநிலை: தில்லியின் முதன்மை வானிலை நிலையமான சஃப்தா்ஜங் ஆய்வகத்தில் வெள்ளிக்கிழமை காலையில் குறைந்தபட்ச வெப்பநிலை இயல்பைவிட 3 டிகிரி குறைந்து 25 டிகிரி செல்சியஸாக பதிவாகி இருந்தது. அதிகபட்ச வெப்பநிலை இயல்படை விட 3 டிகிரி குறைந்து 34.5 டிகிரி செல்சியஸாக பதிவாகி இருந்தது. காற்றில் ஈரப்பதத்தின் அளவு காலை 8.30 மணியளவில் 92 சதவீதமாகவும், மாலை 5.30 மணியளவில் 96 சதவீதமாகவும் பதிவாகி இருந்தது.

‘நல்ல’ பிரிவில் காற்றின் தரம்: தலைநகரில் 24 மணி நேர சராசரி காற்றுத் தரக்குறியீடு 61 புள்ளிகளாகப் பதிவாகி இருந்ததாகவும், இது ‘நல்ல’ பிரிவில் இடம் பெறுவதாகவும் சஃபா் அமைப்பின் புள்ளிவிவரத் தகவல்கள் தெரிவித்தன.

முன்னறிவிப்பு: இதற்கிடையே, ‘சனிக்கிழமை (ஜூலை 1) நகரில் லேசான மழை பெய்யக் கூடும். வானம் பொதுவாக மேக மூட்டத்துடன் காணப்படும். குறைந்தபட்ச வெப்பநிலை 22 டிகிரி செல்சிஸாகவும், அதிகபட்ச வெப்பநிலை 34 டிகிரி செல்சியஸாகவும் இருக்கும்’ என்று வானிலை ஆய்வு மையம் கணித்துள்ளது.