கர்நாடக தேர்தல்: பிற்பகல் 1 மணி வரை 37.25% வாக்குகள் பதிவு!

கர்நாடக சட்டப் பேரவைத் தேர்தலில் பிற்பகல் 1 மணி நிலவரப்படி 37.25 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது. 

கர்நாடகாவில் 224 சட்டமன்றத் தொகுதிகளுக்கு வாக்குப்பதிவு நடைபெற்று 2,615 வேட்பாளர்கள் களத்தில் உள்ளனர்.

மாநிலத்தில் இன்று காலை 9 மணிக்கு தொடங்கி மாலை 6 மணி வரை வாக்குப்பதிவு நடைபெறுகிறது. 

11 மணி நிலவரப்படி 20.99 சதவீத வாக்குகள் பதிவாகிய நிலையில், 1 மணி வரை 37.25 சதவீத வாக்குகள் பதிவாகியுள்ளது. 

உடுப்பியில் இதுவரை 47.79 சதவீத வாக்குகள் பதிவாகியுள்ளதாக தேர்தல் அதிகாரி தெரிவித்துள்ளார்.