கர்நாடக அமைச்சரவை விரிவாக்கம்: கார்கே இன்று ஆலோசனை

கர்நாடக மாநில அமைச்சரவை விரிவாக்கம் குறித்து காங்கிரஸ் தலைவர் மல்லிகார்ஜுன கார்கேவுடன் முதல்வர் சித்தராமையா, துணை முதல்வர் டி.கே.சிவகுமார் இன்று ஆலோசனை நடத்துகின்றனர்.

கர்நாடக மாநில சட்டப்பேரவைத் தேர்தலில் காங்கிரஸ் கட்சி பெரும்பான்மை இடங்களில் வெற்றி பெற்றதையடுத்து பெங்களூரு​வில் கண்டீரவா மைதானத்தில் சனிக்கிழமை பிற்பகல் பதவியேற்பு விழா நடைபெற்றது. 

இதில் முதல்வராக சித்தராமையாவும் துணை முதல்வராக டி.கே.சிவகுமாரும் அதைத் தொடர்ந்து 8 அமைச்சர்களும் பொறுப்பேற்றுக் கொண்டனர். 

இந்நிலையில், தில்லி இன்று மல்லிகார்ஜுன கார்கே தலைமையில் அமைச்சரவை விரிவாக்கம் குறித்து ஆலோசனைக் கூட்டம் நடைபெறுகிறது.

இந்த கூட்டத்தில் தகுதியான எம்.எல்.ஏ.க்களின் பட்டியலை சித்தராமையாவும், சிவகுமாரும் காங்கிரஸ் மேலிடத்துக்கு அளிக்கவுள்ளனர்.

ஏற்கெனவே, முதல்வர் தேர்வில் இழுப்பறி ஏற்பட்ட நிலையில், அமைச்சர்கள் தேர்விலும் இலாகா ஒதுக்கீட்டிலும் மீண்டும் பிரச்னை ஏற்படாமா என்ற கேள்வி எழுந்துள்ளது.