ராஜஸ்தான்: முதற்கட்ட வேட்பாளர் பட்டியலை வெளியிட்டது காங்கிரஸ்!

ராஜஸ்தான் சட்டப்பேரவை தேர்தலில் போட்டியிடும் முதல்கட்ட வேட்பாளர் பட்டியலைக் காங்கிரஸ் வெளியிட்டுள்ளது. 

சட்டப்பேரவை தேர்தலில் போட்டியிட உள்ள 33 வேட்பாளர்களின் பெயர் பட்டியலை காங்கிரஸ் வெளியிட்டுள்ளது. 

முதல்வர் அசோக் கெலாட் சர்தார்புராவிலும், முன்னாள் துணை முதல்வர் சச்சின் பைலட் டோங்க் தொகுதியிலும் போட்டியிடுகின்றனர். 

பேரவைத் தலைவர் சி.பி.ஜோஷி நாத்வாரா சட்டமன்றத் தொகுதியிலும், கட்சியின் மாநிலத் தலைவர் கோவிந்த் சிங் தோதாஸ்ரா லச்மன்கர் தொகுதியிலும் போட்டியிடுகிறார்.

படிக்க: விஷால் பேசியது ரொம்பத் தவறு: மன்சூர் அலிகான்

அமைச்சர் ஹரிஷ் சௌத்ரி பேட்டூ தொகுதியிலும், மம்தா பூபேஷ் சிக்ராய்-எஸ்சி தொகுதியிலும் போட்டியிடுகின்றனர்.

அதிக இடங்களுக்கான பெயர்களை இறுதி செய்வதற்காக மத்திய தேர்தல் குழு ஞாயிற்றுக்கிழமை கூடும் என்பதால், காங்கிரஸ் பெரும்பான்மையான இடங்களில் வேட்பாளர்களை அறிவிக்கவில்லை.

200 உறுப்பினர்களைக் கொண்ட சட்டப்பேரவைக்கு நவம்பர் 25-ம் தேதி தேர்தல் நடைபெறுகிறது.