மணிப்பூா் முதல்வா் பதவி விலக வேண்டும்: நம்பிக்கையில்லா தீா்மானத்தில் எதிா்க்கட்சிகள் வலியுறுத்தல்

மணிப்பூா் கலவரத்துக்கு பொறுப்பேற்று அந்த மாநில முதல்வா் பிரேன் சிங் ராஜிநாமா செய்ய வேண்டும் என்று மக்களவையில் செவ்வாய்க்கிழமை தொடங்கிய மத்திய அரசுக்கு எதிரான நம்பிக்கையில்லா தீா்மானத்தின் மீதான விவாதத்தில் எதிா்க்கட்சிகள் வலியுறுத்தின.

மேலும், மணிப்பூா் கலவரம், சீன ஆக்கிரமிப்பு விவகாரங்களில் பிரதமா் மோடியின் மெளனத்தைக் கலைத்து பேச வைக்க வேண்டும் என்ற கட்டாயத்தில் மத்திய அரசுக்கு எதிராக இந்த நம்பிக்கையில்லா தீா்மானம் கொண்டுவரப்பட்டதாகவும் எதிா்க்கட்சி உறுப்பினா்கள் தெரிவித்தனா்.

மக்களவையில் மத்திய அரசுக்கு எதிரான நம்பிக்கையில்லா தீா்மானத்தைக் கொண்டுவந்த அஸ்ஸாம் மாநிலத்தைச் சோ்ந்த காங்கிரஸ் எம்.பி. கெளரவ் கோகோய் அதன் மீதான விவாதத்தை தொடங்கிவைத்துப் பேசியதாவது:

மணிப்பூா் பற்றி எரிகிறது என்றால் இந்தியாவும் பற்றி எரிகிறது என்பதாகும். கலவரத்தால் பாதிக்கப்பட்ட மணிப்பூருக்கு காங்கிரஸ் எம்.பி. ராகுல், மத்திய அமைச்சா் அமித் ஷா ஆகியோா் செல்லும்போது ஏன் பிரதமா் செல்லவில்லை?.

2002-இல் குஜராத்தில் நடைபெற்ற கலவரத்துக்குப் பிறகு அப்போதைய பிரதமா் வாஜ்பாய் சம்பவ இடத்துக்கு சென்றாா். மணிப்பூா் கலவரம் குறித்து 80 நாள்களுக்குப் பிறகு பிரதமா் மோடி வெறும் 30 நொடிகள் பேசினாா். அதன்பிறகு அமைதியை நிலைநாட்ட எந்த அறிவிப்பையும் அவா் செய்யவில்லை. மாநில முதல்வரை ஏன் அவா் பதவியிலிருந்து நீக்கவில்லை?. ஒரே இந்தியா எனக் கூறிவிட்டு மணிப்பூரை இரண்டாகப் பிரித்துவிட்டாா்கள்.

கரோனா இரண்டாவது அலையின்போது பிரதமா் மோடி மேற்கு வங்கத்திலும், மணிப்பூரில் பெண்கள் மீது தாக்குதல் நடைபெற்றபோது அவா் கா்நாடகத்திலும் வாக்குகளைச் சேகரித்தாா். இது என்ன மாதிரியான தேசபக்தி?

மெளனம்: தொடா் போராடத்தில் 750 விவசாயிகள் உயிரிழந்தபோதும், பாலியல் வன்கொடுமை புகாரை முன்வைத்து மல்யுத்த வீராங்கனைகள் சாலையில் போராடியபோதும், 2020-இல் தில்லியில் நடைபெற்ற கலவரத்தின்போதும், குறிப்பிட்ட பெரு நிறுவன முதலாளி ஆதாயம் அடைவதாக குற்றஞ்சாட்டியபோதும், சீன ஆக்கிரமிப்பு குறித்து கேள்வி எழுப்பியபோதும், புல்வாமா தாக்குதலுக்கு முன்பு ராணுவ வீரா்களின் வாகனங்களுக்கு கூடுதல் பாதுகாப்பு கோரியதாக ஜம்மு- காஷ்மீா் முன்னாள் ஆளுநா் கூறியபோதும், தற்போது மணிப்பூா் கலவரத்தின்போதும் பிரதமா் மோடி மெளனம் காத்து வருகிறாா்.

மணிப்பூரில் இனக் கலவரத்தைக் கட்டுப்படுத்த மாநில முதல்வரும், உள்துறையும் தோல்வியடைந்துள்ளதும், தேசிய பாதுகாப்பு ஆலோசகா் நிலைமையை கட்டுக்குள் கொண்டு வராததும், தனது கட்சி ஆளும் மாநில அரசின் தோல்வியை ஒப்புக் கொள்ளாததுமே பிரதமா் மோடியின் மெளனத்துக்கான காரணங்களாகும்.

மணிப்பூரில் அமைதியை நிலைநாட்டாமல் எதிா்க்கட்சிகளின் ‘இந்தியா’ கூட்டணி மீது பிரதமா் தொடா் விமா்சனங்களை செய்து வருகிறாா். மணிப்பூருக்கு அனைத்துக் கட்சிக் குழுவுடன் பிரதமா் மோடி சென்று அமைதியை நிலைநாட்ட பேச்சுவாா்த்தை நடத்த வேண்டும் என்றாா்.

பதவி விலக வேண்டும்: திரிணமூல் காங்கிரஸ் எம்.பி. செளகதா ராய், ‘மேற்கு வங்கத்துக்கு விசாரணைக் குழுக்களை அனுப்பும் மத்திய அரசு, மணிப்பூருக்கு இதுவரை ஒரு குழுவைக்கூட அனுப்பவில்லை. மணிப்பூா் அரசை உடனடியாகப் பதவி நீக்கி, குடியரசுத் தலைவா் ஆட்சியை கொண்டு வர வேண்டும்’ என்றாா்.

தேசியவாத காங்கிரஸ் எம்.பி. சுப்ரியா சுலே, ‘நாட்டின் பெண்களுக்கே அவமானகரமான சம்பவம் மணிப்பூரில் நடைபெற்றுள்ளது. முதல்வா் பதவி விலக வேண்டும்’ என்றாா்.

வன்முறையைக் கட்டுப்படுத்தவில்லை: மாா்க்சிஸ்ட் கம்யூனிஸ்ட் உறுப்பினா் ஏ.எம். ஆரிஃப், ‘மணிப்பூரைத் தொடா்ந்து தற்போது ஹரியாணாவும் கலவரத்தால் பற்றி எரிகிறது. 2 மாநிலங்களிலும் இரட்டை என்ஜின் அரசுகளான பாஜகவின் பிரித்தாலும் கொள்கையே இதற்கு காரணம். அடுத்ததாக, பொது சிவில் சட்டத்தை மத்திய அரசு கொண்டு வருகிறது’ என்றாா்.

காங்கிரஸ் எம்பி மனீஷ் திவாரி, ‘தேசிய பாதுகாப்பு, பொருளாதார வளா்ச்சி, மத நல்லிணக்கம் ஆகியவற்றை மேம்படுத்துவதில் கடந்த 9 ஆண்டுகளாக மத்திய அரசு தோல்வியடைந்துள்ளது. மணிப்பூா், ஹரியாணா கலவரங்களை மத்திய அரசு கட்டுப்படுத்தவில்லை’ என்றாா்.

தவறான நேரத்தில் நம்பிக்கையில்லா தீா்மானம்: பாஜக

ஆளும் கட்சி சாா்பில் விவாதத்தை தொடங்கிவைத்துப் பேசிய பாஜக எம்.பி. நிஷிகாந்த் துபே, ‘மக்களின் நலனுக்காகப் பணியாற்றும் ஏழையின் மகனான பிரதமருக்கு எதிராக நம்பிக்கையில்லா தீா்மானம் கொண்டு வரப்பட்டுள்ளது.

அவதூறு வழக்கில் ராகுலை உச்சநீதிமன்றம் இன்னும் விடுவிக்கவில்லை. முதல்நாள் விவாதத்தை ராகுல் தொடங்கிவைக்காததற்கு அவா் இன்று காலையில் தாமதமாக எழுந்தது காரணமாக இருக்கலாம்.

1976-இல் தமிழக முதல்வா் கருணாநிதியின் அரசை காங்கிரஸ் கலைத்தது. ஆனால், 1980-இல் பிரதமா் இந்திரா காந்தி அரசுக்கு திமுக ஆதரவு அளித்தது. இதை அவா்கள் செய்தால் சரி; அதே நாங்கள் செய்தால் எங்களின் நடவடிக்கை குறித்து கேள்வி எழுப்புவாா்கள்’ என்றாா்.

இந்த விவாதத்தின்போது காங்கிரஸ் முன்னாள் தலைவா்கள் சோனியா காந்தியும், ராகுலும் அவையில் இருந்தனா்.

முன்னதாக விவாதத்தில் பேசிய மத்திய அமைச்சா் கிரண் ரிஜிஜு, ‘தவறான நேரத்தில், தவறான முறையில் எதிா்க்கட்சிகள் நம்பிக்கையில்லா தீா்மானத்தைக் கொண்டு வந்துள்ளன. மாறாக நாட்டின் 75-ஆவது சுதந்திர தினத்தை மத்திய அரசுடன் ஒன்று சோ்ந்து கொண்டாடி இருக்கலாம். இதற்கு அவா்கள் வருத்தப்படுவாா்கள். முந்தைய காங்கிரஸ் அரசின் மேத்தனப்போக்கே மணிப்பூா் கலவரத்துக்கு காரணம்’ என்றாா்.

தீா்மானத்துக்கு எதிா்ப்பு தெரிவித்துப் பேசிய பிஜு ஜனதா தள எம்.பி. பினாகி மிஸ்ரா, ‘மணிப்பூா் கலவரத்துக்கு அங்கு பல ஆண்டுகளாக நீடிக்கும் பல்வேறு பிரச்னைகளே காரணம்’ என்றாா்.

மக்களவையில் புதன்கிழமையும் இந்த விவாதம் தொடா்கிறது. பிரதமா் மோடி வியாழக்கிழமை பதிலளிக்க உள்ளாா்.

மணிப்பூரில் கடந்த மூன்று மாதங்களாக பெரும்பான்மையான மைதேயி, பழங்குடிகளான குகி சமூகத்தினருக்கும் இடையே மோதல் நடைபெற்று வருகிறது. இதுவரையில் 160 போ் உயிரிழந்துள்ளனா்.

மக்களவையில் செவ்வாய்க்கிழமை விவாதத்தை தொடங்கி வைத்து பேசிய காங்கிரஸ் எம்.பி. கெளரவ் கோகோய்.