ராஞ்சி: கர்நாடக முதல்வராக காங்கிரஸ் தலைவர் சித்தராமையா பதவியேற்கும் விழாவில் ஜார்க்கண்ட் முதல்வர் ஹேமந்த் சோரன் கலந்து கொள்ள வாய்ப்புள்ளதாக தகவல்கள் வெளியாகியுள்ளன.
பெங்களூருவில் வரும் 20-ம் தேதி நடைபெறும் பதவியேற்பு விழாவில் பங்கேற்குமாறு காங்கிரஸ் தலைவர் மல்லிகார்ஜுன கார்கே அழைப்பு விடுத்துள்ளார்.
இந்த விழாவில் கலந்து கொள்வதற்காக முதல்வர் ராஞ்சியில் இருந்து சனிக்கிழமை புறப்பட்டு விழா முடிந்த அன்றே திரும்புவார் என்றும் தெரிவிக்கப்பட்டுள்ளது.
தில்லி சென்றுள்ள சோரன், கடந்த 16ம் தேதி மல்லிகார்ஜுன கார்கேவை சந்தித்து கர்நாடக சட்டசபை தேர்தலில் காங்கிரஸ் வெற்றி பெற்றதற்கு வாழ்த்து தெரிவித்தார்.
224 உறுப்பினர்களைக் கொண்ட கர்நாடக சட்டமன்றத்திற்கு மே 10 அன்று நடந்த தேர்தலில், காங்கிரஸ் 135 இடங்களையும், ஆளும் பாஜக 66 இடங்களையும் கைப்பற்றி அமோக வெற்றி பெற்றது.
கர்நாடகத்தின் அடுத்த முதல்வராக சித்தராமையாவை காங்கிரஸ் கட்சி அறிவித்துள்ளது குறிப்பிடத்தக்கது.