கர்நாடக சட்டப்பேரவையில் முன்னாள் முதல்வர் பசவராஜ் பொம்மையை துணை முதல்வர் டி.கே.சிவகுமார் சந்தித்துப் பேசினார்.
கர்நாடக மாநில சட்டப்பேரவைத் தேர்தலில் காங்கிரஸ் கட்சி பெரும்பான்மை இடங்களில் வெற்றி பெற்றதையடுத்து பெங்களூருவில் கண்டீரவா மைதானத்தில் சனிக்கிழமை பிற்பகல் பதவியேற்பு விழா நடைபெற்றது.
இதில் முதல்வராக சித்தராமையாவும் துணை முதல்வராக டி.கே.சிவகுமாரும் அதைத் தொடர்ந்து 8 அமைச்சர்களும் பொறுப்பேற்றுக் கொண்டனர்.
இதையடுத்து கர்நாடக சட்டப்பேரவையில் பாஜக மூத்த தலைவரும் மாநிலத்தின் முன்னாள் முதல்வருமான பசவராஜ் பொம்மையை துணை முதல்வர் டி.கே.சிவகுமார் சந்தித்துப் பேசினார்.
பின்னர் இருவரும் புகைப்படமும் எடுத்துக்கொண்டனர். இந்த புகைப்படங்கள் தற்போது இணையத்தில் வைரலாகி வருகின்றன.