நடிகர் மிதுன் சக்ரவர்த்தி மருத்துவமனையில் அனுமதி!

பழம்பெரும் நடிகர் மிதுன் சக்ரவர்த்தி நெஞ்சுவலி காரணமாக கொல்கத்தா மருத்துவமனையில் அனுமதிக்கப்பட்டுள்ளார்.

மிதுன் சக்கரவர்த்தி இந்தி, பெங்காலி, பஞ்சாபி, தெலுங்கு, கன்னடம், தமிழ் ஆகிய மொழிகளில் 300-க்கும் மேற்பட்ட படங்களில் நடித்துள்ளார். 

இந்த நிலையில், நடிகராக இருந்து பாஜக தலைவராக மாறிய 76 வயதாகும் நடிகர் மிதுன் சக்கரவர்த்தி இன்று காலை நெஞ்சுவலி காரணமாக கொல்கத்தா மருத்துவமனையில் அனுமதிக்கப்பட்டுள்ளார். அவருக்கு மருத்துவர்கள் தீவிர சிகிச்சையளித்து வருகின்றனர். 

படிக்க: கல்விக்கடன் உச்சவரம்பு அதிகரிப்பு

கடந்த 1976-ம் ஆண்டு பெங்காலியில் வெளியான "மிரிகயா" என்ற படத்தின் மூலம் மிதுன் சக்கரவர்த்தி சினிமா துறையில் அறிமுகமானார். 

நடிகர் மிதுன் சக்ரவர்த்தி கடந்த மாதம் குடியரசுத் தலைவரிடம் பத்ம பூஷண் விருது பெற்றார் என்பது குறிப்பிடத்தக்கது.