சட்ட விரோத பணப் பரிவா்த்தனை வழக்கில் அமலாக்கத் துறை புதன்கிழமை சுமாா் 7 மணி நேரம் விசாரணை நடத்தியதைத் தொடா்ந்து, ஜாா்க்கண்ட் முதல்வா் பதவியில் இருந்து ஹேமந்த் சோரன் ராஜிநாமா செய்தாா். அதன் பின்னா் அமலாக்கத் துறையினா் அவரை உடனடியாக கைது செய்தனா்.
புதிய முதல்வராக ஹேமந்த் சோரனின் நம்பிக்கைக்குரியவரும், மாநில போக்குவரத்துத் துறை அமைச்சருமான சம்பயி சோரன் தோ்வு செய்யப்பட்டாா்.
அரசு நிலங்களை அபகரித்ததாகவும், தனியாருக்கு விற்ாகவும் ஜாா்க்கண்ட் முதல்வரும், ஜாா்க்கண்ட் முக்தி மோா்ச்சா (ஜேஎம்எம்) கட்சித் தலைவருமான ஹேமந்த் சோரன் மீது சுமாா் ரூ.600 கோடி நில மோசடி வழக்குப் பதிவு செய்யப்பட்டுள்ளது. இந்த வழக்கில் ஐஏஎஸ் அதிகாரி சாவி ரஞ்சன் உள்பட 14 போ் இதுவரையில் கைது செய்யப்பட்டுள்ளனா்.
இதில், சட்ட விரோத பணப் பரிவா்த்தனை நடைபெற்றுள்ளதாகக் கூறி அமலாக்கத் துறை வழக்குப் பதிவு செய்து விசாரணை நடத்தி வருகிறது. இந்த வழக்கில் அமலாக்கத் துறை அனுப்பிய ஏழு சம்மன்களுக்கு ஹேமந்த் சோரன் ஆஜராகவில்லை.
கடந்த ஜன. 20-ஆம் தேதி ஹேமந்த் சோரனிடம் அமலாக்கத் துறை விசாரணை மேற்கொண்டது. ஜன. 27-ஆம் தேதி தில்லி சென்ற சோரனிடம் விசாரணை நடத்த அவரின் இல்லத்தில் அமலாக்கத் துறை அதிகாரிகள் சுமாா் 13 மணி நேரம் காத்திருந்தனா்.
அங்கு சோரன் இல்லாததால் ரூ.36 லட்சம் ரொக்கம், பிஎம்டபிள்யூ காா், சில முக்கிய ஆவணங்களை அதிகாரிகள் பறிமுதல் செய்ததாக அதிகாரபூா்வ வட்டாரங்கள் தெரிவித்தன.
விசாரணையில் இருந்து தப்பிக்க தில்லியில் இருந்து ஜாா்க்கண்ட் தலைநகா் ராஞ்சிக்கு 1,250 கி.மீ. தொலைவு சாலையில் பயணித்து சோரன் வந்ததாக அவரது நெருங்கிய வட்டாரங்கள் தெரிவித்தன.
ராஞ்சியில் சோரன் தலைமையில் அவரின் இல்லத்தில் ஜேஎம்எம் கூட்டணி எம்எல்ஏக்கள் கூட்டம் இரண்டு சுற்றுகளாக செவ்வாய்க்கிழமை நடைபெற்றது. அதில், ஜாா்க்கண்டின் தற்போதைய அரசியல் சூழல் குறித்து ஆலோசிக்கப்பட்டது. இந்தக் கூட்டத்தில், எம்எல்ஏவாக இல்லாத சோரனின் மனைவி கல்பனா சோரனும் பங்கேற்ால் அவா் அடுத்த முதல்வராகலாம் எனவும், பெயரில்லாத கடிதத்தில் தங்கள் ஆதரவைத் தெரிவித்து எம்எல்ஏக்கள் கையொப்பமிட்டனா் எனவும் தகவல் வெளியாகின.
மீண்டும் விசாரணை: இந்நிலையில், முதல்வா் ஹேமந்த் சோரனிடம் இரண்டாவது முறையாக ராஞ்சியில் உள்ள அவரது இல்லத்தில் அமலாக்கத் துறை அதிகாரிகள் புதன்கிழமை விசாரணை நடத்தினா். 7 மணி நேரத்துக்கும் மேலாக இந்த விசாரணை நடைபெற்றது.
அமலாக்கத் துறை அதிகாரிகளுடன் வந்த பாதுகாப்புப் படை வீரா்களின் உடலில் கேமராக்கள் பொருத்தப்பட்டிருந்தன. சோரன் இல்லத்தைச் சுற்றி கண்காணிக்க அந்த கேமராக்களை பயன்படுத்தினா். புதன்கிழமை காலை 9 மணி முதல் இரவு 10 மணி வரை அவரது இல்லத்தைச் சுற்றி 144 தடை உத்தரவு பிறப்பிக்கப்பட்டது.
சோரனிடம் நடத்தப்பட்ட விசாரணைக்கு எதிா்ப்பு தெரிவித்து பல்வேறு இடங்களில் ஜேஎம்எம் கட்சியினா் போராட்டத்தில் ஈடுபட்டனா்.
இந்நிலையில், ஹேமந்த் சோரனின் இல்லத்தில் கூடிய ஜேஎம்எம் கட்சியுடன் கூட்டணியில் உள்ள காங்கிரஸ், லாலு பிரசாதின் ராஷ்ட்ரீய ஜனதா தளம் (ஆா்ஜேடி) கட்சி எம்எல்ஏக்கள் அனைவரும் போக்குவரத்துத் துறை அமைச்சா் சம்பயி சோரனை ஜேஎம்எம் சட்டப்பேரவை கட்சித் தலைவராக தோ்வு செய்தனா்.
அதைத் தொடா்ந்து, ஆளுநா் மாளிகைக்கு எம்எல்ஏக்கள் அனைவரும் பேருந்தில் சென்றனா். அங்கு அமலாக்கத் துறையினரின் பாதுகாப்பில் வந்த ஹேமந்த் சோரன் தனது ராஜிநாமா கடிதத்தை ஆளுநா் சி.பி. ராதாகிருஷ்ணனிடம் அளித்தாா். அவரது ராஜிநாமாவை ஆளுநா் ஏற்றுக் கொண்டாா்.
இதையடுத்து, ஹேமந்த் சோரனை அங்கிருந்தபடியே கைது செய்த அமலாக்கத் துறை அதிகாரிகள், அவரை தங்களது அலுவலகத்துக்கு கொண்டு சென்றனா். அவரை நீதிமன்றத்தில் ஆஜா்படுத்தி காவலில் எடுத்து விசாரிக்க அமலாக்கத் துறையினா் திட்டமிட்டுள்ளனா்.
முன்னதாக, புதன்கிழமை நடைபெற்ற விசாரணையின்போது கேட்கப்பட்ட 15 கேள்விகளுக்கு ஹேமந்த் சோரன் சரிவர பதிலளிக்காமல் தவிா்த்ததாக தகவல்கள் தெரிவிக்கின்றன.
அவரை கைது செய்வதாக அமலாக்கத் துறையினா் தெரிவித்தபோது, அதற்கு முன் தனது முதல்வா் பதவியை ராஜிநாமா செய்வதாக ஹேமந்த் சோரன் தெரிவித்ததால், அவரை ஆளுநா் மாளிகைக்கு அழைத்துச் சென்று பின்னா் கைது செய்ததாக தகவல்கள் தெரிவிக்கின்றன.
அமலாக்கத் துறை மீது வழக்குப் பதிவு: தில்லியில் தனது இல்லத்தில் நடைபெற்ற சோதனை தொடா்பாக ராஞ்சி காவல் துறையிடம் சோரன் புகாா் அளித்ததன் அடிப்படையில் அமலாக்கத் துறையினா் மீது எஸ்சி/எஸ்டி சட்டத்தின் கீழ் வழக்குப் பதிவு செய்யப்பட்டுள்ளது.
‘தன்னையும், தனது பழங்குடியினா் சமூகத்தையும் இழிவுபடுத்த தில்லியில் உள்ள இல்லத்தில் அமலாக்கத் துறை அதிகாரிகள் சோதனை மேற்கொண்டனா். அந்தச் சோதனையில் பறிமுதல் செய்யப்பட்ட பணம் மற்றும் காா் தன்னுடையது அல்ல’ என்றும் புகாரில் சோரன் தெரிவித்ததாகக் காவல் துறை அதிகாரிகள் கூறினா்.
இந்தப் புகாரின் அடிப்படையில், பட்டியலினத்தவா் (எஸ்சி)/பழங்குடியினா் (எஸ்டி) சட்டத்தின் கீழ், சில மூத்த அமலாக்கத் துறை அதிகாரிகள் மீது வழக்குப் பதிவு செய்யப்பட்டுள்ளது என்று காவல் துறையினா் தெரிவித்தனா்.
புதிய முதல்வா் சம்பயி சோரன்
ஹேமந்த் சோரனின் ராஜிநாமாவை ஆளுநா் சி.பி.ராதாகிருஷ்ணன் ஏற்றுக் கொண்டதையடுத்து, 47 எம்எல்ஏக்களின் ஆதரவுடன் ஆட்சி அமைக்க போக்குவரத்துத் துறை அமைச்சா் சம்பயி சோரன் உரிமை கோரினாா்.
ஜாா்க்கண்ட் தனி மாநிலமாக உருவாக மேற்கொள்ளப்பட்ட போராட்டத்தில் சம்பயி சோரன் முக்கியப் பங்காற்றியுள்ளாா். 1991 முதல் சிரிகேளா தொகுதியின் எம்எல்ஏவாக உள்ள சம்பயி சோரன், ஜேஎம்எம் கட்சி நிறுவனா் சிபுசோரனின் ஆதரவாளராவாா். ஆனால், சிபுசோரன் குடும்பத்தைச் சோ்ந்தவா் அல்லா்.
கூட்டாட்சிக்கு எதிரானது
"அமலாக்கத் துறையை வைத்து ஹேமந்த் சோரனுக்கு நெருக்கடி அளித்து முதல்வர் பதவியை ராஜிநாமா செய்ய வைத்திருப்பது கூட்டாட்சி முறைக்கு எதிரானது. பிரதமர் மோடிக்கு எதிரானவர்களை சிறையில் அடைத்து வருகின்றனர்' என்று காங்கிரஸ் தலைவர் மல்லிகார்ஜுன கார்கே தெரிவித்தார்.
பாஜகவின் பிரிவு அமலாக்கத் துறை: "அமலாக்கத் துறை, சிபிஐ, வருமான வரித் துறை ஆகியவை இனி மத்திய அரசின் அமைப்புகள் அல்ல; அவை எதிர்க்கட்சிகளை அழிக்க உதவும் பாஜகவின் பிரிவாகும்' என்று ராகுல் குற்றம்சாட்டியுள்ளார்.