நல்ல நிா்வாகத்துக்கு கிடைத்த வெற்றி- பிரதமா் மோடி பெருமிதம்

ஹரியாணா பேரவைத் தோ்தலில் பாஜகவுக்கு கிடைத்த வெற்றி, சிறந்த நிா்வாகம் மற்றும் வளா்ச்சி சாா்ந்த அரசியலுக்கு கிடைத்த வெற்றி என்று பிரதமா் நரேந்திர மோடி கூறியுள்ளாா்.

இது தொடா்பாக பிரதமா் மோடி ‘எக்ஸ்’ வலைதளத்தில் வெளியிட்ட பதிவில், ‘ஹரியாணா மக்களுக்கு எனது இதயம் கனிந்த நன்றியைத் தெரிவித்துக் கொள்கிறேன். தொடா்ந்து மூன்றாவது முறையாக ஆட்சி அமைக்க வாய்ப்பளித்த மாநில மக்களுக்கு எப்போதும் நன்றியுள்ளவா்களாக இருப்போம்.

கடின உழைப்பின் அடையாளமாகத் திகழும் பாஜக தொண்டா்கள் இந்தப் பெரிய வெற்றிக்கு முக்கியக் காரணமாக இருந்தாா்கள். பாஜகவின் அரசின் மக்கள் வளா்ச்சிக்கான கொள்கைகளை அனைத்துத் தரப்பினருடமும் எடுத்துச் சென்றது நமது தொண்டா்கள்தான். அவா்களால்தான் இந்த வரலாற்றை பாஜகவால் படைக்க முடிந்தது.

ஹரியாணாவில் பெற்ற பெற்றி சிறந்த நிா்வாகத்துக்கும், வளா்ச்சி சாா்ந்த அரசியலுக்கும் கிடைத்த வெற்றியாகும்.

ஜம்மு-காஷ்மீரில் பாஜக பெற்றுள்ள வெற்றி பெருமிதம்அளிக்கிறது. எங்கள் கட்சி மீது நம்பிக்கைவைத்து வாக்களித்த அனைத்து மக்களுக்கும் நன்றி தெரிவித்துக் கொள்கிறேன்.

ஜம்மு-காஷ்மீரில் இந்த முறை நடைபெற்ற தோ்தல் மிகவும் சிறப்பு வாய்ந்தது. சிறப்பு அந்தஸ்து ரத்து செய்யப்பட்ட பிறகு அங்கு நடைபெறும் முதல் தோ்தல் இதுவாகும். மக்கள் பெருவாரியாக வாக்களித்தது ஜனநாயகத்தின் மீது அவா்கள் வைத்துள்ள நம்பிக்கையை வெளிக்காட்டியது. இதற்காக ஜம்மு-காஷ்மீா் யூனியன் பிரதேசத்தில் உள்ள அனைவருக்கும் நன்றி தெரிவித்துக் கொள்கிறேன். ஜம்மு-காஷ்மீா் பேரவைத் தோ்தலில் அதிக இடங்களில் வெற்றி பெற்றுள்ள தேசிய மாநாட்டுக் கட்சிக்கு வாழ்த்துகள்’ என்று பதிவிட்டுள்ளாா்.

பாஜக தேசிய தலைவா் ஜெ.பி.நட்டா: ஜம்மு-காஷ்மீா் பேரவைத் தோ்தலில் மக்கள் வழங்கியுள்ள தீா்ப்பை பாஜக ஏற்றுக் கொள்கிறது. யூனியன் பிரதேசத்தின் ஒட்டுமொத்த வளா்ச்சிக்காகவும், அங்குள்ள மக்கள் நலனுக்காகவும் பாஜக தொடா்ந்து உழைக்கும்.

ஹரியாணாவில் பாஜகவுக்கு கிடைத்த வெற்றி, பாஜக மீது மக்கள் வைத்துள்ள உறுதியான நம்பிக்கையை வெளிப்படுத்துவதாக உள்ளது. பிரதமா் மோடி தலைமையிலான அரசின் நற்பணிகள் அனைத்து தரப்பு மக்களையும் சென்றடைந்ததுள்ளது என்று கூறியுள்ளாா்.