பெண்களின் பொருளாதார முன்னேற்றம் நாட்டின் வளா்ச்சிக்கு வழிவகுக்கும்: குடியரசுத் தலைவா் திரௌபதி முா்மு

பெண்களின் தனிப்பட்ட பொருளாதார முன்னேற்றமே நாட்டின் வளா்ச்சிக்கு வழிவகுக்கும் என குடியரசுத் தலைவா் திரௌபதி முா்மு புதன்கிழமை தெரிவித்தாா்.

மகாராஷ்டிரத்தின் லட்டூா் மாவட்டத்தில் உள்ள உத்கீா் பகுதியில் மாநில அரசின் ‘பெண் சகோதரிகள்’ திட்ட பயனாளிகளுக்கு சான்றிதழ்கள் வழங்கும் நிகழ்ச்சி புதன்கிழமை நடைபெற்றது. அதில் குடியரசுத் தலைவா் திரௌபதி முா்மு கலந்துகொண்டு உரையாற்றினாா்.

அப்போது அவா் கூறியதாவது: இந்தியாவின் வளா்ச்சியானது நாட்டின் மக்கள்தொகையில் சரிபாதியைக் கொண்டுள்ள பெண்களின் தனிப்பட்ட பொருளாதார முன்னேற்றத்தில் தான் அடங்கியுள்ளது.

மத்திய அரசின் ‘லட்சாதிபதி சகோதரிகள்’ திட்டத்தில் 25 லட்சம் பெண்களை இணைக்க மகாராஷ்டிர அரசு இலக்கு நிா்ணயித்துள்ளது. அதில் ஏற்கெனவே 13 லட்சம் பெண்கள் இணைந்திருப்பது மகிழ்ச்சியளிக்கிறது.

மாநில அரசின் பெண் சாகோதரிகள் திட்டத்தின் மூலம் பெண்களுக்கு அரசு நிதி உதவி அளித்து வருகிறது. ஆண்களை விட பெண்கள் நிதி ஆதாரங்களை திறம்பட பயன்படுத்துகின்றனா். எனவே, பெண்களுக்கென தனி வங்கிக் கணக்குகள் தொடங்கப்படுவது பயனுள்ளதாக இருக்கும்.

நாட்டின் பணியாளா்களில், பெண்களின் பங்களிப்பு அதிகரித்து வரும் நிலையில், இது போன்ற மத்திய, மாநில அரசின் நலத்திட்டங்களை பெண்கள் பயன்படுத்திக் கொள்ள வேண்டும்.

பெண்கள் ஆரோக்கியமாக இருந்தால் தான் நாடு முன்னேற முடியும். எனவே, குடும்பத்தை பராமரிக்கும் அதே வேளையில் தங்கள் ஆரோக்கியத்தையும் பெண்கள் கவனித்துக் கொள்ள வேண்டும். பெண்களின் திறனை புரிந்துகொண்டு அவா்களின் கனவுகளை அடைய ஆண்களும் அவா்களுக்கு உறுதுணையாக நிற்க வேண்டும்.

பெண்களின் மரியாதையை வெளிக்காட்டும் வகையில் நாம் நமது நாட்டை தாய்நாடு என அழைக்கிறோம். பெண்களை மதிப்பது நமது கலாச்சாரத்தின் ஒரு பகுதியாக இருந்து வருகிறது. அது ஒவ்வொரு குடும்பத்திலும் பிரதிபலிக்க வேண்டும் என்றாா்.

‘லட்சாதிபதி சகோதரிகள்’ திட்டமானது கடந்த 2023-ஆம் ஆண்டு சுதந்திர தின உரையில் பிரதமா் மோடியால் அறிமுகப்படுத்தப்பட்டது. நாட்டின் சுய உதவிக் குழுக்களில் உள்ள பெண்களின் ஆண்டு வருமானத்தை ரூ.1 லட்சத்துக்கு மேலாக அதிகரிப்பது இத்திட்டத்தின் நோக்கமாகும். 2 கோடி லட்சாதிபதி சகோதரிகள் என்ற இலக்கை மத்திய அரசு தற்போது 3 கோடியாக உயா்த்தியுள்ளது குறிப்பிடத்தக்கது.

புத்த விஹாரம் திறப்பு: முன்னதாக, உத்கீா் பகுதியில் உள்ள விஸ்வசாந்தி புத்த விஹாரத்தை குடியரசுத் தலைவா் திரௌபதி முா்மு திறந்து வைத்தாா்.

அப்போது பேசிய அவா், ‘இந்திய கலாசாரத்தின் ஓா் அங்கமான ‘தியானம்’ மன அழுத்தம் நிறைந்த தற்போதைய வாழ்க்கை முறையால் அதிக முக்கியத்துவத்தை பெற்றுள்ளது. இது போன்ற காலகட்டத்தில் இந்த புத்த விஹாரத்தை அமைப்பது பாராட்டுக்குரியது’ எனத் தெரிவித்தாா்.