இந்தியாவுக்கு எதிராக ராகுல் காந்தி பேச்சு: பாஜக கண்டனம்

அமெரிக்க சுற்று பயணத்தின்போது காங்கிரஸ் முன்னாள் தலைவரும், எதிா்க்கட்சி தலைவருமான ராகுல் காந்தி இந்தியாவுக்கு எதிரான கருத்து தெரிவித்திருப்பது கண்டனத்துக்குரியது என தமிழக பாஜக செய்தி தொடா்பாளா் ஏ.என்.எஸ் பிரசாத் தெரிவித்துள்ளாா்.

இது குறித்து அவா் திங்கள்கிழமை வெளியிட்டுள்ள அறிக்கை:

இந்தியாவுக்கு எதிராக ராகுல் காந்தியின் கருத்து கண்டனத்துக்குரியது. ஜனநாயக முறைப்படி தோ்ந்தெடுக்கப்பட்ட பிரதமருக்கும், இந்திய மக்களுக்கும் எதிரான அவரது பேச்சு ஆபத்தானவை. அவரது சுற்றுப்பயணம் மற்றும் அவரது பேச்சுகளின் பின்னணி ஆகியவற்றை இந்திய அரசு முழுமையாக விசாரிக்க வேண்டும் என்றாா் அவா்.