தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

நெருங்கிய ரத்த உறவு திருமணத்தை ஒழுங்குபடுத்த சட்டம் தேவையா? மத்திய அரசு பதிலளிக்க உச்சநீதிமன்றம் உத்தரவு

நெருங்கிய ரத்த உறவு திருமணத்தை ஒழுங்குபடுத்த சட்டம் தேவையா?

உச்சநீதிமன்றம்

Updated On :

நெருங்கிய ரத்த உறவுகளுக்குள் திருமணம் செய்வதை ஒழுங்குபடுத்த சட்டம் கொண்டுவருவது குறித்து மத்திய அரசு தனது நிலைப்பாட்டைத் தெரிவிக்க வேண்டும் என்று உச்சநீதிமன்றம் கேட்டுக்கொண்டது.

இந்த விஷயத்தில் அரசுக்கு நேரடியாக உத்தரவிட விரும்பவில்லை என்றும், இந்த விவகாரத்தை அரசின் கவனத்தில் கொண்டுவர முயற்சிப்பதாகவும் நீதிமன்றம் தெரிவித்தது.

உச்சநீதிமன்றத் தலைமை நீதிபதி சூா்யகாந்த் மற்றும் நீதிபதிகள் ஜயமால்ய பாக்சி, வி. மோகனா ஆகியோா் அடங்கிய அமா்வு இந்தக் கருத்தைத் தெரிவித்தது.

முன்னதாக, இது தொடா்பாக மனு தாக்கல் செய்தவா் தரப்பு வழக்குரைஞா் வாதிடுகையில், ‘நெருங்கிய ரத்த உறவுகளுக்குள் நடைபெறும் திருமணங்கள் எதிா்காலத் தலைமுறையினரின் உடல் நலன் தொடா்பான பிரச்னைகளை எழுப்புகின்றன. இத்தகைய திருமணங்களால் ஏற்படக் கூடிய பாதகமான விளைவுகள் குறித்து பொதுமக்களுக்குப் பரவலாக விழிப்புணா்வு ஏற்படுத்த வேண்டும்’ என்றாா்.

இதையடுத்து நீதிபதிகள் கூறுகையில், ‘பொருத்தமான சட்டம் கொண்டு வருவது அவசியமா என்பதை மத்திய அரசு பரிசீலிக்க வேண்டும் என்பதை வலியுறுத்தும் நோக்கத்தில்தான் நோட்டீஸ் பிறப்பிக்கிறோம். முறையான பாடத்திட்டம் உள்ளிட்ட பல்வேறு வழிகள் மூலமாக இது தொடா்பாக பரவலான விழிப்புணா்வை ஏற்படுத்துவது குறித்தும் அரசு பரிசீலிக்க வேண்டும்.

இது போன்ற நெருங்கிய ரத்த உறவுகளுக்குள் நடைபெறும் திருமணங்களை ஒழுங்குபடுத்துவது நீதிமன்றத்தின் அதிகார வரம்புக்கு உள்பட்டதல்ல. அது முழுமையாக சட்டம் இயற்றும் நாடாளுமன்றம் மற்றும் சட்டப்பேரவைகளின் அதிகார வரம்புக்கு உள்பட்டது’ என்று தெரிவித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.