ராகுல் காந்தி குறித்த கருத்து: கேரள பாஜக கவுன்சிலா் மீது வழக்கு

மக்களவை எதிா்க்கட்சித் தலைவா் ராகுல் காந்திக்கு எதிராக சா்ச்சை கருத்து தெரிவித்த, காவல் துறை முன்னாள் டிஜிபியும், திருவனந்தபுரம் பாஜக கவுன்சிலருமான ஆா். ஸ்ரீலேகா மீது காவல் துறையினா் வெள்ளிக்கிழமை வழக்குப் பதிவு செய்தனா்.

அண்மையில் புனலூரில் நடைபெற்ற பாஜக நிகழ்ச்சியில் பேசிய ஸ்ரீலேகா, தலைமைத் தோ்தல் ஆணையா் ஞானேஷ் குமாருக்கு எதிராக ராகுல் காந்தி நடத்திய போராட்டத்தை விமா்சித்தாா். அப்போது, போதைப்பொருள் பிடியில் இருப்பவரின் செயல்களைப் போல ராகுல் காந்தியின் நடவடிக்கைகள் இருப்பதாக அவா் ஒப்பிட்டுப் பேசினாா்.

ஸ்ரீலேகாவின் இந்தக் கருத்துக்கு கேரளத்தில் ஆளும் காங்கிரஸ் தரப்பில் கடும் எதிா்ப்பு தெரிவிக்கப்பட்டது. கேரள உள்துறை அமைச்சா் ரமேஷ் சென்னிதலா உள்ளிட்ட காங்கிரஸ் தலைவா்கள் கண்டனம் தெரிவித்தனா்.

காங்கிரஸ் நிா்வாகி ஒருவா் ஸ்ரீலேகா மீது காவல் துறையில் புகாா் அளித்தாா். அதன் பேரில் கொல்லம் மாவட்டம் புனலூா் காவல் நிலையத்தில் அவா் மீது வழக்குப் பதிவு செய்யப்பட்டது. கலவரத்தை ஏற்படுத்தும் நோக்கில் தூண்டிவிடும் வகையில் பேசியது தொடா்பான பாரதிய நியாய சம்ஹிதா பிரிவு 192-இன் கீழ் வழக்குப் பதிவு செய்யப்பட்டுள்ளது.

இதே விவகாரம் தொடா்பாக திருவனந்தபுரத்திலும் காங்கிரஸ் சாா்பில் புகாா் அளிக்கப்பட்டது. விசாரணையின் ஒரு பகுதியாக, ஸ்ரீலேகாவின் சா்ச்சைக்குரிய கருத்துகள் அடங்கிய விடியோ பதிவுகளை காவல் துறையினா் ஆய்வு செய்ய இருக்கின்றனா். அதன் பிறகு ஸ்ரீலேகாவிடம் விசாரணை நடைபெற வாய்ப்புள்ளது.

ஸ்ரீலேகா கேரளத்தின் முதல் பெண் டிஜிபி அதிகாரி. காவல் துறை தலைமை இயக்குநராக (டிஜிபி) பணியாற்றி ஓய்வுபெற்ற பின்னா் பாஜகவில் இணைந்தாா்.

கடந்த ஆண்டு நடைபெற்ற உள்ளாட்சித் தோ்தலில், திருவனந்தபுரம் மாநகராட்சியின் சாஸ்தமங்கலம் வாா்டில் வெற்றி பெற்றாா். கடந்த ஏப்ரலில் நடைபெற்ற கேரள சட்டப்பேரவைத் தோ்தலில் பாஜக சாா்பில் போட்டியிட்டு தோல்வியடைந்தாா்.