விஜயகாந்த் கொடுத்த கெடு நாளை முடிவு: அதிருப்தி எம்.எல்.ஏ.க்கள் விளக்கம் அளிக்க மறுப்பு

அதிருப்தி எம்.எல்.ஏ.க்கள் 7 பேர் விளக்கம் தருவதற்காக தேமுதிக தலைவர் விஜயகாந்த் அளித்த கெடு நாளை (ஜூலை 10) முடிவடைகிறது.ஆனால் 7 பேரும் விளக்கம் அளிக்கப் போவதில்லை என்று முடிவு எடுத்துள்ளனர்.  தேமுதிவில் இருந்து மாஃபா பாண்டியராஜன் (விருதுநகர்), மைக்கேல் ராயப்பன் (ராதாபுரம்), தமிழழகன் (திட்டக்குடி), சுந்தர்ராஜன் (மதுரை மத்தி), அருண் பாண்டியன் (பேராவூரணி), சுரேஷ்குமார் (செங்கம்), சாந்தி (சேந்தமங்கலம்) ஆகிய 7 உறுப்பினர்கள் பிரிந்து செயல்பட்டு வருகின்றனர்.

மாநிலங்களவைத் தேர்தலில் தேமுதிக வேட்பாளருக்கு வாக்களிக்காமல் அதிமுக மற்றும் இந்திய கம்யூனிஸ்ட் கட்சி வேட்பாளர்களுக்கு 7 பேரும் வாக்களித்தனர்.விளக்க நோட்டீஸ்: இதற்கு விளக்கம் கேட்டு ஜூன் 28-ம் தேதி அதிருப்தி எம்.எம்.ஏ.க்கள் 7 பேருக்கும் விஜயகாந்த் நோட்டீஸ் அனுப்பினார். நோட்டீஸில்,  தேமுதிகவின் வேட்பாளருக்கு வாக்களிக்காததால் கட்சியின் அடிப்படை உறுப்பினர் உள்பட அனைத்துப் பொறுப்புகளில் இருந்து தாற்காலிகமாக நீக்கப்படுவதாகும், கட்சியிலிருந்து நிரந்தரமாக ஏன் நீக்கக்கூடாது என்பதற்கான விளக்கத்தை ஜூலை 10-ம் தேதிக்குள் அளிக்க வேண்டும் என்று கூறப்பட்டிருந்தது.அதிருப்தி எம்.எல்.ஏ.க்களுக்கு தேமுதிக தலைமை கொடுத்த கெடு  நாளையுடன் முடிவடைகிறது.ஆனால் அதிருப்தி எம்.எல்.ஏ.க்கள் 7 பேரும் விளக்கம் அளித்து கடிதம் அனுப்பப் போவதில்லை என்று முடிவு எடுத்துள்ளனர்.கட்சியின் அடிப்படை உறுப்பினர் உள்பட அனைத்துப் பொறுப்புகளில் இருந்தும் நீக்கிவிட்டு விளக்கம் கேட்பதில் நியாயம் இல்லை என்பதால் விளக்கம் அளிக்கப் போவதில்லை என 7 பேரும் முடிவு செய்துள்ளனர்.