சிதம்பரம் மக்களவைத் தொகுதி (தனி): அதிமுக வெற்றி

சிதம்பரம் மக்களவை தனித் தொகுதியில் அதிமுக வேட்பாளர் மா.சந்திரகாசி, தன்னை எதிர்த்து போட்டியிட்ட விடுதலைச் சிறுத்தைகள் கட்சி தலைவர் திருமாவளவனை விட 1,28, 495 வாக்குகள் அதிகம் பெற்று வெற்றி பெற்றார்.

வேட்பாளர்கள் பெற்ற வாக்குகள்: மா.சந்திரகாசி (அதிமுக)- 4,29,536, தொல்.திருமாவளவன் (விடுதலைச் சிறுத்தைகள் கட்சி)- 3,01041, சுதா மணிரத்தினம் (பாமக)- 2,79,016, ப.வள்ளல்பெருமான் (காங்)- 28,988, கே.ராஜேந்திரன் (பகுஜன் சமாஜ் கட்சி)- 5,179, வி.ஏழுமலை (அகில பாரத ஹிந்து மகாசபை)- 6,824,  ஆனந்தன் (சுயே)- 8875, ஏ.சண்முகம் (சுயே)- 1071, என்.சந்திரகாசன் (சுயே)- 1182, கே.செந்தமிழ்ச்செல்வி (சுயே)- 1469, ஏ.திரிசங்கு (சுயே)- 3370, பி.பழனிவேல் (சுயே)- 1772, எஸ்.புஷ்பராஜ் (சுயே)- 1523, எஸ்.பார்வதி (சுயே)- 1543, எஸ்.ராஜ்குமார் (சுயே)- 4896, நோட்டா- 12138. மொத்த வாக்குகள்- 10,88,423.

வெற்றி பெற்ற அதிமுக வேட்பாளர் மா.சந்திரகாசி்க்கு, தேர்தல் அதிகாரியும், அரியலூர் மாவட்ட ஆட்சியருமான இ.சரவணவேல்ராஜ் வெற்றி பெற்றதற்கான சான்றிதழை வழங்கினார். இந்நிகழ்ச்சியின் போது முன்னாள் அமைச்சர்களும், தேர்தல் பொறுப்பாளர்களுமான கே.ஏ.செங்கோட்டையன், கே.கே.கலைமணி உள்ளிட்டோர் உடனிருந்தனர்.