மெட்ரோ ரயிலில் வண்ணாரப்பேட்டையில் இருந்து விமான நிலையத்திற்கு 40 ரூபாய் கட்டணம்

சென்னையில் நிலவும் கடும் போக்குவரத்து நெரிசலுக்கு தீர்வு காணும் வகையில் ரூ.14,600 கோடி செலவில் கடந்த 2008 ஆம் ஆண்டு மெட்ரோ ரயில் திட்டம் தொடங்கப்பட்டது. வண்ணாரப்பேட்டையில் இருந்த விமானநிலையம் வரை இரு வழிதடங்களில் 45 கிலோ மீட்டர் நீளத்திற்கு தூரத்துக்கு நிறைவேற்றப்பட்டு வருகின்றன.

முதல் கட்டமாக வரும் அக்டோபர் மாதம் இறுதியில் கோயம்பேடு – ஆலந்தூர் இடையே 10 கிலோ மீட்டர் தூரத்துக்கு மேம்பாலம் அமைக்கப்பட்டு அதில் அரயில் போக்குவரத்து தொடங்கவுள்ளது. 

தற்போது கோயம்பேடு – ஆலந்தூர் இடையே சோதனை ஓட்டமும் நடந்துவருகிறது.. இந்த பாதையில் தெற்கு ரெயில்வே பாதுகாப்பு ஆணையர் வரும் அக்டோபர் மாதம் சோதனை நடத்த உள்ளார். அவரது அறிக்கை கிடைத்தபின்  மெட்ரோ ரெயில் போக்குவரத்து தொடங்கும் தேதி அறிவிக்கப்படும்.

இந்நிலையில் சென்னை மெட்ரோ ரெயில் நிறுவனத்தின் மூன்று இயக்குனர்கள், தமிழக நிதித்துறை செயலாளர் உள்ளிட்ட அதிகாரிகள், டெல்லி மெட்ரோ ரெயில் நிறுவன அதிகாரி, மத்திய நகர்ப்புற மேம்பாட்டு அமைச்சக அதிகாரி ஆகியோரை கொண்ட கட்டண நிர்ணயக் குழு பல கட்டங்களாக ஆலோசனை நடத்தி மெட்ரோ ரெயில் கட்டணத்தை இறுதி செய்துள்ளது.

அதன்படி சென்னை வண்ணாரப்பேட்டையில் இருந்து விமான நிலையம் வரை செல்ல (24 கி.மீ.) ரூ. 40 கட்டணம் நிர்ணயம் செய்யப்பட்டுள்ளது. குறைந்தபட்ச கட்டணம் ரூ.10. அதற்கு அடுத்ததாக ரூ.15, ரூ.20, ரூ.25, ரூ.30 என்று கட்டணம் வசூலிக்கப்படும்.

 மேலும் சென்னை மெட்ரோ ரெயிலுக்கான கட்டண விவரம் அதிகாரப்பூர்வமாக ஆகஸ்டு மாதம் வெளியிடப்படும்,  இந்நிலையில் கட்டணம் இறுதி செய்யப்பட்டு, மத்திய நகர்ப்புற மேம்பாட்டு அமைச்சகத்துக்கு அனுப்பப்பட்டுள்ளது.

வண்ணாரப் பேட்டையில் இருந்து விமான நிலையத்தை 40 நிமிடங்களில் சென்றடையும் வகையில் மெட்ரோ ரயில்34 கிலோ மீட்டர் வேகத்தில் இயக்கப்படும்  என்று மெட்ரோ ரயில் அதிகாரி ஒருவர் தெரித்தார்.