உடல் குண்டானதால் 125 ஊழியர்களின் வேலை பறிப்பு: ஏர் இந்தியா நிறுவனம் அதிரடி

ஏர் இந்தியா நிறுவனம் விமானப் பணிப்பெண்கள் உட்பட 125 ஊழியர்களை அதிக உடல் எடை காரணமாக விமானப் பணியிலிருந்து விலக்க இருக்கிறது.

இதுகுறித்து ஏர் இந்தியா வட்டாரங்கள் அளித்துள்ள தகவலின்படி, சிவில் விமான போக்குவரத்து இயக்குநரகத்தின் (ஈஎஇஅ) விதிமுறைகளின்படி, பணிப்பெண்கள் உட்பட விமானக் குழுவினர் தங்கள் உடல் எடையை குறிப்பிட்ட உடல் நிறை குறியீட்டெண் (ஆஙஐ) அளவிற்குள் பராமரிக்க வேண்டும்.

ஆனால், கடந்த வருடம் இந்த விதிமுறைகளின்படி, உடல் எடையை பராமரிக்காத, அதிக உடல் எடை கொண்ட 600 ஊழியர்களுக்கு தங்கள் உடல் எடையை கட்டுக்கோப்பாக வைத்திருக்குமாறு அறிவுருத்திய ஏர் இந்தியா, அவர்களுக்கு கடைசியாக ஒரு வாய்ப்பும் அளித்தது. இந்நிலையில், இத்தனை மாதங்கள் கடந்த பின்னும் உடல் எடையை பராமரிக்காத பணிப்பெண்கள் உட்பட 125 பேரை வேலையை விட்டு அனுப்புவதை தவிர வேறு வழியில்லை என்று ஏர் இந்தியா தெரிவித்துள்ளது. 

இவர்களில் சிலருக்கு தரையில் இருந்தபடி (விமான நிலையத்தில்) பார்க்கும் வேலைகள் கொடுக்க இருப்பதாகவும், சிலருக்கு கட்டாய ஓய்வு அளிக்க இருப்பதாகவும் ஏர் இந்தியா குறிப்பிட்டுள்ளது.