சிலம்பரசன் நடிகர் சங்க துணை தலைவர் பதவிக்கு போட்டி

நடிகர் சங்க துணை தலைவர் பதவிக்கு சரத்குமார் அணி சார்பில் நடிகர் சிலம்பரசன் போட்டியிடுகிறார்.

சென்னையில் சரத்குமார் தலைமையில் நடிகர் சங்க தேர்தல் குறித்து நடந்த ஆலோசனை கூட்டத்தில் ராதாரவி, ராதிகா, சிலம்பரசன் உள்ளிட்டோர் கலந்து கொண்டனர்.

ஆலோசனை கூட்டத்தில், நடிகர் சிலம்பரசன் துணைத்தலைவர் பதவிக்கு போட்டியிடுவது என முடிவு எடுக்கப்பட்டுள்ளது.

இது குறித்து நடிகர் சிலம்பரசன் செய்தியாளர்களிடம் கூறுகையில், சரத்குமார் அணி தான் நடிகர்களுக்காக பாடுபடுகிறது என்றும், நடிகர் சங்க தேர்தலில் உண்மை தான் வெற்றி பெறும் என்றும் கூறினார்.