மூட்டை மூட்டையாக ஹவாலா பணம்: தமிழக தொழிலதிபருக்குத் தொடர்பு?

மேற்கு வங்க மாநிலம், கொல்கத்தாவில் மூட்டை, மூட்டையாக பதுக்கி வைக்கப்பட்டிருந்த ரூ.45 கோடி ஹவாலா பணத்தை வருமான வரித் துறையினர் வியாழக்கிழமை பறிமுதல் செய்தனர்.

 இந்தப் பதுக்கலில் நாகர்ஜுனா என்பவருக்கும், தமிழகத்தைச் சேர்ந்த தொழிலதிபர் மார்டினுக்கும் தொடர்பு இருப்பதைக் கண்டறிந்துள்ளோம் என்றும், அவர்களைத் தேடி வருகிறோம் என்றும் வருமான வரித் துறை அதிகாரிகள் தெரிவித்தனர்.

 இதுகுறித்து வருமானவரித் துறை அதிகாரிகள் கூறியதாவது:

 போலி லாட்டரி, ஹவாலா புழக்கம் ஆகியவை குறித்து ஐ.பி. உளவு அமைப்பு அளித்த தகவலின் அடிப்படையில் கொல்கத்தாவில் ஐந்து இடங்களில் ஆய்வு செய்தோம்.

 அப்போது 16 சாக்கு மூட்டைகள், 27 பைகள், 2 பீரோக்களில் பதுக்கி வைக்கப்பட்டிருந்த பணத்தைக் கைப்பற்றினோம். அவற்றை எண்ணியதில் தற்போது வரை ரூ.45 கோடி சேர்ந்திருக்கிறது. மீதமுள்ள பணத்தையும் எண்ணினால் 50 முதல் 55 கோடி ரூபாய் வரை இருக்கலாம்.

 இந்தப் பதுக்கலுக்கு நாகர்ஜுனா என்பவருக்கும், தமிழகத்தைச் சேர்ந்த தொழிலதிபர் மார்டினுக்கும் தொடர்பு இருப்பதைக் கண்டறிந்துள்ளோம். அவர்களைத் தேடி வருகிறோம்.

 அவர்களுக்கு நிழல் உலக தாதா தாவூத் இப்ராஹிமுடன் தொடர்பு இருக்கலாம் என சந்தேகிக்கிறோம் என்று அமலாக்கத் துறை அதிகாரிகள் தெரிவித்தனர்.