நாடு முழுவதும் இந்தியை 8-ம் வகுப்பு வரை கட்டாய பாடமாக்க வேண்டும் என தொடரப்பட்ட வழக்கு: உச்சநீதிமன்றத்தில் அடுத்த வாரம் விசாரணை

புதுதில்லி: நாடு முழுவதும் இந்தியை 8ம் வகுப்பு வரை கட்டாய பாடமாக்க வேண்டும் என பாரதிய ஜனதா மூத்த தலைவர் அஸ்வின்குமார் உபாத்யாயா உச்சநீதிமன்றத்தில் பொதுநல வழக்கு தொடர்ந்திருந்தார்.  இந்த வழக்கு அடுத்த வாரம் உச்சநீதிமன்றத்தில் விசாரணைக்கு வர உள்ளதாக தகவல் வெளியாகியுள்ளது. 

பாரதீய ஜனதா மூத்த தலைவர் அஸ்வினிகுமார் உபாத்யாயா நாடு முழுவதும் இந்தியை 8-ம் வகுப்பு வரையில் கட்டாய பாடமாக்க உத்தரவிடக்கோரி உச்சநீதிமன்றத்தில் பொதுநல வழக்கை தொடர்ந்து உள்ளார். 

மும்மொழி கொள்கையின் அடிப்படையில் இந்தி மொழியை பள்ளியை பள்ளிகளில் கட்டாயமாக்கப்பட வேண்டும் என்ற கோரிக்கை குறிப்பிட்ட இடைவெளியில் அவ்வவ்போது முன்வைக்கப்பட்டு வருகிறது. ஆனால், நாடு முழுவதும் இந்த கொள்கை கடைபிடிக்கப்படுவதில்லை.

இருப்பினும், இந்திய அரசியலமைப்பு சட்டம், இந்தியை ஒரு அலுவல் மொழியாக மட்டுமே குறிப்பிடுகிறதே தவிர, தேசிய மொழியாக அல்ல என்று நீதிமன்றங்கள் வலியுறுத்தி வருகின்றன.  

இந்நிலையில், 1968-ம் ஆண்டு கொண்டு வரப்பட்ட மும்மொழி கொள்கையின் அம்சங்களை சுட்டிக் காட்டி நாடு முழுவதும் இந்தியை 8-ம் வகுப்பு வரை கட்டாய பாடமாக்க வேண்டும் என பாரதிய ஜனதா மூத்த தலைவர் அஸ்வின்குமார் உபாத்யாயா உத்தநீதிமன்றத்தில் பொதுநல வழக்கு தொடர்ந்திருந்தார். 

அந்த மனுவில் நீதித்துறையில் இருப்பவர்கள்கூட பெரிய அளவில் மொழிப் பிரச்சனையை சந்திக்கின்றனர், மொழிப் பிரச்சனைக்கான தீர்வு இந்தியை கட்டாய பாடமாக்குவதாகத்தான் இருக்கும் என மனுதாரர் தரப்பில் தெரிவிக்கப்பட்டு உள்ளது.

இந்தி மொழியை பயில்வது விருப்பத்திற்கு ஏற்றது என்பது சரியானதாக இருக்காது எனவும் தெரிவிக்கப்பட்டு உள்ளது. இந்த வழக்கு உச்ச நீதிமன்றத்தில் அடுத்த வாரம் விசாரணைக்கு வருகிறது.