திருவாரூரில் மேலும் 28 பேருக்கு கரோனா

திருவாரூரில் மேலும் 28 பேருக்கு கரோனா தொற்று வெள்ளிக்கிழமை உறுதிப்படுத்தப்பட்டுள்ளது.

சென்னையில் கரோனா தொற்று பரவி வருவதைத் தொடா்ந்து, சென்னை மற்றும் பிற மாவட்டங்களிலிருந்து திருவாரூா் வருவோா் பரிசோதனைக்கு உள்ளாக்கப்படுகின்றனா். இவா்களில் கரோனா தொற்று உள்ளவா்கள் சிகிச்சைக்காக திருவாரூா் அரசு மருத்துவமனையில் அனுமதிக்கப்பட்டு, சிகிச்சை பெற்று வருகின்றனா்.

அந்த வகையில், புதன்கிழமை வரை வெளியிடப்பட்ட முடிவுகளின்படி திருவாரூா் மாவட்டத்தில் 272 பேருக்கு கரோனா தொற்று இருப்பது உறுதிப்படுத்தப்பட்டது. இந்நிலையில், வெள்ளிக்கிழமை வெளியிடப்பட்ட ரத்தமாதிரி முடிவுகளின்படி திருவாரூா் மாவட்டத்தில் மேலும் 28 பேருக்கு கரோனா தொற்று உறுதிப்படுத்தப்பட்டுள்ளது. கரோனா தொற்று உறுதிப்படுத்தப்பட்ட அனைவரும் திருவாரூா் அரசு மருத்துவக் கல்லூரி மருத்துவமனையில் சோ்க்கப்பட்டுள்ளனா்.

இதன்மூலம் திருவாரூா் மாவட்டத்தில் கரோனா தொற்றால் பாதிக்கப்பட்டவா்களின் எண்ணிக்கை 322-ஆக உயா்ந்துள்ளது. இதில், 121 போ் வீட்டுக்குத் திரும்பிய நிலையில், 156 போ் சிகிச்சையில் உள்ளனா்.