மணப்பாறையில் பாஜகவினர் சாலை மறியல்: 136 போ் கைது

மணப்பாறையில், வெற்றிவேல் யாத்திரையை தடை செய்ததை கண்டித்தும், தடையை நீக்க வலியுறுத்தி பாஜகவினர் நூற்றுக்கணக்கானோர் வட்டாட்சியர் அலுவலகத்தை முற்றுகையிட்டு ஆர்ப்பாட்டம் மற்றும் சாலை மறியலில் ஈடுபட்ட 136 பேரை காவலர்கள் கைது செய்தனர். 

பாஜக வெற்றிவேல் யாத்திரைக்கு விதிக்கப்பட்ட தடையை நீக்க வலியுறுத்தி, திருச்சி மாவட்ட பாஜக பொதுச்செயலாளர் செந்தில்தீபக் தலைமையில், நூற்றுக்கணக்கான கட்சியினர் கச்சேரி சாலை ஊர்வலமாக சென்று வட்டாட்சியர் அலுவலகத்தினை முற்றுகையிட்டு, சாலை மறியலில் ஈடுபட்டனர்.

சாலை மறியலில் ஈடுபட்ட பாஜகவினர் 136 பேரை காவல் துணை கண்காணிப்பாளர் பிருந்தா தலைமையிலான காவலர்கள் கைது செய்தனர்.