பிப்.27-ல் மீண்டும் தமிழகம் வருகிறார் ராகுல்

காங்கிரஸ் கட்சியின் முன்னாள் தலைவா் ராகுல் காந்தி தோ்தல் பிரசாரத்துக்காக பிப்ரவரி 27-இல் தமிழகம் வர உள்ளதாக தமிழக தலைவர் கே.எஸ். அழகிரி தெரிவித்துள்ளார்.

தமிழக சட்டப்பேரவைத் தேர்தல் இன்னும் சில மாதங்களில் நடக்கவுள்ள நிலையில், தேர்தல் பிரச்சாரத்திற்காக தேசிய தலைவர்கள் தொடர்ந்து தமிழகத்தில் பிரசாரத்தில் ஈடுபட்டு வருகின்றனர்.

ராகுல்காந்தி ஏற்கெனவே ஜனவரி 14-இல் அவனியாபுரத்தில் ஜல்லிக்கட்டு போட்டியைக் காண்பதற்காக தமிழகம் வந்திருந்தாா். அதைத் தொடா்ந்து ஜனவரி 23 முதல் மூன்று நாள்கள் கோவை, திருப்பூா், கரூா், ஈரோடு உள்ளிட்ட மாவட்டங்களில் தோ்தல் பிரசாரத்தில் ஈடுபட்டாா்.

இந்த நிலையில் பிப்ரவரி 27-ஆம் தேதி ராகுல்காந்தி மீண்டும் தமிழகம் வர உள்ளாா்.

இதுகுறித்து தமிழக காங்கிரஸ் தலைவர் கே.எஸ்.அழகிரி செய்தியாளர்களிடம் கூறியதாவது,

வருகின்ற பிப்ரவரி 27ஆம் தேதி தமிழகம் வரவுள்ள ராகுல் காந்தி மார்ச் 1 வரை மொத்தம் 3 நாள்கள் தென் மாவட்டங்களில் பிரசாரம் மேற்கொள்ள உள்ளதாக தெரிவித்தார்.

கடந்த பிப்ரவர் 14ஆம் தேதி சென்னை வந்த பிரதமா் நரேந்திர மோடி தமிழகத்தில் பல்வேறு திட்டங்களை தொடங்கி வைத்தது குறிப்பிடத்தக்கது.