கேஜிஎஃப், கேஜிஎஃப் - 2 படங்களில் நடித்து இந்திய சினிமாவில் ஸ்டாரானவர் நடிகர் யஷ். உலகளவில் கவனம் ஈர்த்த இப்படம் ரூ.1000 கோடிக்கு அதிகமாக வசூலித்து சாதனை படைத்தது.
தொடர்ந்து, யஷ் மலையாள இயக்குநர் கீது மோகன்தாஸ் இயக்கத்தில் தன் அடுத்த படத்தில் நடித்து வருகிறார். டாக்ஸிக் (Toxic) எனப் பெயரிட்டுள்ள இப்படம் 2025 ஆம் ஆண்டு ஏப்ரல் மாதத்தில் திரைக்கு வரும் என அறிவிக்கப்பட்டுள்ளது. கேவிஎன் புரோடக்ஷன்ஸ் தயாரிக்கிறது.
இந்நிலையில், தன் மனைவியுடன் கோவிலுக்குச் சென்ற யஷ், அருகிலிருந்த சிறிய மளிகைக் கடை ஒன்றில் மனைவிக்குப் பிடித்த சாக்லேட்டை வாங்கும் புகைப்படம் இணையத்தில் வெளியாகி வைரலாகி வருகிறது.
ரூ.100 கோடிக்கும் அதிகமாக சம்பளம் வாங்கும் யஷ், சாதாரணக் கடையில் பொருளை வாங்கியது ரசிகர்களிடம் ஆச்சரியத்தை ஏற்படுத்தியுள்ளது.