எந்த நிபந்தனையும் இல்லாமல் அதிமுகவில் இணையத் தயார்: ஓபிஎஸ்

எந்த நிபந்தனையும் இல்லாமல் நான், டிடிவி தினகரன், சசிகலா ஆகியோர் அதிமுகவில் இணையத் தயாராக இருக்கிறோம் என்று முன்னாள் முதல்வர் ஓ. பன்னீர் செல்வம் தெரிவித்துள்ளார்.

இது தொடர்பாக தேனியில் ஓ. பன்னீர் செல்வம் பேசியதாவது:

”வரும் 2026 பேரவைத் தேர்தலில் அனைவரும் ஒன்றிணைந்தால் வாழ்வு, இல்ல்லையென்றால் அனைவருக்கும் தாழ்வே.

செங்கோட்டையன் அதிமுகவுக்கு விசுவாசமானவர், அனைவரும் ஒன்றிணைந்து செயல்பட வேண்டும் என்று நினைப்பவர். அவர் மீது எங்களுக்கு எந்தவித அதிருப்தியும் இல்லை.

இதையும் படிக்க: அதிமுகவுக்குக் கிடைத்த இறையருள்தான் எடப்பாடி பழனிசாமி: ஆர்.பி. உதயகுமார்

எந்த நிபந்தனையும் இல்லாமல் நான், டிடிவி தினகரன், சசிகலா ஆகியோர் அதிமுகவில் இணையத் தயாராக இருக்கிறோம்.

அத்திக்கடவு அவிநாசி திட்டத்திற்கு ஜெயலலிதாவைத் தவிர வேறு யாரும் உரிமை கோர முடியாது; மற்றபடி எடப்பாடி பழனிசாமியை எதிர்க்கிறாரா என்பதற்கு செங்கோட்டையன்தான் பதில் சொல்ல வேண்டும்.” என்று பேசினார்.