வீக் எண்ட் ஜோக்ஸ்! கொஞ்சம் சிரிங்க ரீடர்ஸ்!

என்ன திடீர்னு ஓவர் டைம் பார்க்கப் போறேன்னு சொல்றீங்க?
ஆபீஸ் முடிஞ்சி சீக்கிரம் போனால் சமையலை ஆரம்பித்து... அடுப்பங்கரை வேலை எல்லாம் நானே செய்ய வேண்டியிருக்கு சார்'

- சங்கீத சரவணன், மயிலாடுதுறை.

ஆசிரியர்: ஏன்டா என் தலையிலே கொட்டுன?
மாணவன்: நீங்கதான சார் கிளாஸ்ல யார் தூங்கினாலும் "நறுக்'குன்னு  கொட்டச் சொன்னீங்க?

பானுமதி, சென்னை-19

நேற்று என் பைக்கில் பின்னால உட்கார்ந்து வந்தது என் மனைவிதான்னு எப்படிச் சொல்றீங்க?
பைக்கில் விலகி, தள்ளி உட்கார்ந்திருந்தாங்க. உங்க முகம் கடுகடுன்னு இருந்துச்சே''

எம்.அசோக்ராஜா, அரவக்குறிச்சிபட்டி.

இதுக்கு மேல ஒரு வார்த்தை பேசினீங்கன்னா...?
என்னடி செய்வ?
நான் விதவையாயிடுவேன்

எம்.ஏ.நிவேதா, அரவக்குறிச்சிபட்டி.

முட்டாள்ங்கிற வார்த்தைக்கு கூகுள்ல டிரம்ப்  படத்தை வைச்சு ஏமாத்திட்டாங்க?
ஏன்... நீ என்ன  எதிர்பார்த்தே?
உன்னோட  படத்தைத்தான்

ஜி.சுந்தரராஜன், திருத்தங்கல்.

உன்னோட கணவர் ஏன் மகிழ்ச்சியா இருக்கார்?
ஃபேஸ்புக்ல அவரோட சமையல் குறிப்புகளைப் பார்த்த பல பேர் லைக்ஸூம் கமாண்டும் போட்டிருக்காங்களாம்

ம.வேதவள்ளி, பொரவச்சேரி.

மறுபடி எப்ப டாக்டர் வரும்படி இருக்கும்?
மறுபடி நீங்க வரும்போதுதான்''

***

குடி இருக்கிறவன், வீட்டைக் கோயில் மாதிரி வைச்சிருக்கேன் சார்'ன்னு இதைத்தான் சொல்லியிருக்கான் போல
எதைங்க?
வீடு பூராவும் வெளவாலும் புறாவும் அடைஞ்சு கிடக்கு சார்

 வி.ரேவதி, தஞ்சை.