பாலியல் துன்புறுத்தல் வழக்கை ரத்து செய்யக் கோரிய விவகாரத்தில் வாதங்களை சமா்ப்பிக்க பிரிஜ் பூஷணுக்கு அவகாசம்

இந்திய மல்யுத்த சம்மேளனத்தின் (டபிள்யுஎஃப்ஐ) முன்னாள் தலைவரும், பாஜகவின் முன்னாள் எம்பியுமான பிரிஜ் பூஷண் சரண் சிங்கிற்கு எதிராக மல்யுத்த பெண் வீரா்கள் பதிவு செய்த பாலியல் துன்புறுத்தல் வழக்கில் எஃப்.ஐ.ஆா். மற்றும் குற்றச்சாட்டை ரத்து செய்யக் கோருவதற்கான வாதங்களை தாக்கல் செய்ய பிரிஜ் பூஷணுக்கு தில்லி உயா்நீதிமன்றம் வியாழக்கிழமை கால அவகாசம் அளித்துள்ளது.

இந்த விவகாரத்தை விசாரித்த நீதிபதி நீனா பன்சல் கிருஷ்ணா, பிரிஜ் பூஷண் சிங்கிற்கு இரண்டு வாரங்கள் அவகாசம் அளித்து, செப்டம்பா் 26 ஆம் தேதி இந்த வழக்கை மேலும் விசாரணைக்கு பட்டியலிட்டாா்.

இதுகுறித்து உயா்நீதிமன்றம் கூறுகையில், ‘‘மனுதாரா் குற்றப்பத்திரிகை மற்றும் அதிலிருந்து உருவாகும் மற்ற அனைத்து நடவடிக்கைகளையும் ரத்து செய்யக் கோருவதற்கான அனைத்து வாதங்களையும் எழுப்பி ஒரு சிறு குறிப்பைத் தயாரிக்க கால அவகாசம் கோருகிறாா். அவ்வாறு செய்வதற்காக இரண்டு வாரங்கள் அவகாசம் அளிக்கப்பட்டுள்ளது’ என்று தெரிவித்தது.

இந்த மனுவை அரசு தரப்பு வழக்குரைஞா் மற்றும் பாதிக்கப்பட்டவா்கள் தரப்பில் எதிா்த்தனா்.

மூத்த வழக்குரைஞா் ரெபேக்கா ஜான் வாதிடுகையில், ‘ ஆறு பெண் மல்யுத்த வீரா்களால் புகாா்கள் அளிக்கப்பட்டன. விசாரணை நீதிமன்றம் அவா்களில் ஒருவரின் புகாருக்கு கால அவகாசம் முடிந்துவிட்டதை கண்டறிந்தது. எனவே பாதிக்கப்பட்ட ஐந்து பேரின் புகாா்களின் அடிப்படையில் நீதிமன்றம் குற்றச்சாட்டுகளை உருவாக்கியது. இது இந்த விவகாரத்தில் நீதிமன்றம் ஆழமான கவனத்தை செலுத்தியிருப்பதை காட்டுகிறது’’ என்றாா்.

விசாரணையின் போது, சிங்கிற்கு எதிரான குற்றச்சாட்டுகளை உருவாக்கும் உத்தரவை எதிா்த்தும், எஃப்.ஐ.ஆா். மற்றும் குற்றப்பத்திரிகை மற்றும் பிற அனைத்து நடவடிக்கைகளையும் ரத்து செய்யக் கோரி ஒரே ஒரு மனுவைத் தாக்கல் செய்ததற்காக நீதிமன்றம் அவரிடம் கேள்வி எழுப்பியது.

நீதிமன்றம் கூறுகையில், ‘‘எல்லாவற்றுக்கும் இறுதி உத்தரவு இருக்க முடியாது. மேலும், விசாரணை தொடங்கிய பிறகு பிரிஜ் பூஷண் எல்லாவற்றையும் சவால் செய்திருக்கிறாா். இது ஒரு மறைமுக வழியே தவிர வேறில்லை’ என்று கூறியது.

பிரிஜ் பூஷண் சரண் சிங் சாா்பில் ஆஜரான வழக்குரைஞா் ராஜீவ் மோகன், ‘காரணங்களுக்கிடையில் பொதுவான தன்மை எதுவும் இல்லை. பாதிக்கப்பட்டவா்கள் எனக் கூறப்படும் வழக்குகளில் தொடா்ச்சி இல்லை. சிங் மீது சுமத்தப்பட்ட குற்றச்சாட்டுகள் ’தூண்டப்பட்டது’ ஆகும். மேலும், அவா் அந்த நேரத்தில் இந்திய மல்யுத்த சம்மேளனத்தின் தலைவராக இருந்ததால், அனைத்து புகாா்களுக்கும் பின்னால் உள்ள பொதுவான நோக்கம் அவரை அந்தப் பதவியில் இருந்து நீக்குவதாகும்’ என்று வாதிட்டாா்.

நீதிமன்றம் கூறுகையில், ‘இப்போது மனுதாரா் செய்துள்ள அனைத்து மறுப்புகளும் குற்றச்சாட்டுகளை உருவாக்கும்போது விசாரணை நீதிமன்றத்தால் பரிசீலிக்கப்பட்டிருக்க வேண்டும்’ என்றது.

சிங், தனது மனுவில் தெரிவிக்கையில், ‘விசாரணை ஒரு பக்கச்சாா்பான முறையில் நடத்தப்பட்டது., ஏனெனில், எனக்கு எதிராக பழிவாங்க ஆா்வமாக இருந்த

பாதிக்கப்பட்டவா்களின் கருத்து மட்டுமே பரிசீலிக்கப்பட்டது. குற்றச்சாட்டின் பொய்த்தன்மை குறித்து கவனிக்காமல் விசாரணை நீதிமன்றத்தின் முன் குற்றப்பத்திரிகை தாக்கல் செய்யப்பட்டது.

நான் இந்த வழக்கில் பொய்யாக சோ்க்கப்பட்டுள்ளேன். அரசுத் தரப்பால் கூறப்படும் எந்த குற்றமும் என்னால் செய்யப்படவில்லை’ என்று அதில் அவா் தெரிவித்துள்ளாா்.

மே 21 அன்று, விசாரணை நீதிமன்றம் பாலியல் துன்புறுத்தல், மிரட்டல் மற்றும் பெண்களை அவமானப்படுத்துதல் ஆகிய குற்றச்சாட்டுகளை எதிராகப் பதிவு செய்துள்ளது.

இந்த வழக்கில் இணை குற்றம்சாட்டப்பட்ட நபரும் முன்னாள் இந்திய மல்யுத்த சம்மேளானத்தின் உதவிச் செயலாளருமான வினோத் தோமா் மீதும் கிரிமினல் மிரட்டல் குற்றச்சாட்டையும் நீதிமன்றம் பதிவு செய்துள்ளது.

மே 2023-இல் உச்சநீதிமன்றத்தின் தலையீட்டிற்குப் பிறகு தில்லி காவல்துறை பிரிஜ் பூஷண் சரண் சிங் மீது எஃப்.ஐ.ஆா். பதிவு செய்தது.