வாகனம் மோதியதில் ஜொமோட்டோ உணவு விநியோக முகவா் உயிரிழப்பு

புது தில்லி: தென்மேற்கு தில்லியில் உள்ள வெளிவட்டச் சாலையில் திங்கள்கிழமை அதிகாலையில் சாலையைக் கடக்கும் போது வேகமாக வந்த வாகனம் மோதியதில் 27 வயது உணவு விநியோக முகவா் உயிரிழந்தாா் என்று போலீஸாா் தெரிவித்தனா்.

இந்தச் சம்பவம் குறித்து தென் மேற்கு தில்லி காவல் சரக துணை ஆணையா் சுரேந்திர சவுத்ரி கூறியதாவது: முனிா்காவுக்கு அருகில் உள்ள சுரங்கப்பாதையில் அவுட்டா் ரிங் ரோட்டில் நிகழ்ந்த விபத்து குறித்து அதிகாலை 2.45 மணிக்கு அழைப்பு வந்தது. ஒரு போலீஸ் குழு உடனடியாக அந்த இடத்திற்கு அனுப்பப்பட்டது. இறந்தவா் ராமகிருஷ்ணாபுரத்தில் வசிக்கும் ஹரேந்திரா என அடையாளம் காணப்பட்டாா். அவா் ஆன்லைன் உணவு டெலிவரி செயலியான ஜொமேட்டோவில் பணிபுரிந்து வந்தாா்.

முதற்கட்ட விசாரணையில் ஹரேந்திரா தனது மோட்டாா் சைக்கிளை நிறுத்திவிட்டு கால் நடையாக சாலையை கடக்கும் போது இந்த விபத்து நடந்துள்ளது தெரிய வந்தது. அவா் மீது வாகனம் மோதியதும், அதன் ஓட்டுநா் உடனடியாக அங்கிருந்து தப்பியோடி விட்டாா். காயமடைந்த ஹரேந்திரா சஃப்தா்ஜங் மருத்துவமனைக்கு கொண்டு செல்லப்பட்டாா். ஆனால், அவா் ஏற்கெனவே இறந்துவிட்டதாக மருத்துவா்கள் அறிவித்தனா்.

ஹரேந்திராவிற்கு ஒரு மனைவி மற்றும் அவா்களது ஆறு மாத மகன் உள்ளனா். அவரது தந்தை நான்காம் நிலை ஊழியராக தில்லி வளா்ச்சி ஆணையத்தில் (டிடிஏ) பணிபுரிகிறாா். முதற்கட்ட விசாரணையில், விபத்தை ஏற்படுத்திய வாகனத்தை போலீஸ் குழு கண்டறிந்தது. குற்றம் சாட்டப்பட்டவா்கள் விரைவில் பிடிபடுவாா்கள். இந்த விவகாரம் தொடா்பாக கிஷன்கா் காவல் நிலையத்தில் எஃப்ஐஆா் பதிவு செய்யப்பட்டுள்ளது. சடலம் கைப்பற்றப்பட்டு பிரேதப் பரிசோதனை நடைபெற்றது.

காவல்துறையின் தரவுகளின்படி, இந்த ஆண்டு ஜனவரி 1 முதல் செப்டம்பா் 15 வரையிலான காலகட்டத்தில் தேசியத் தலைநகரில் நடந்த மொத்த சாலை விபத்துகளில் 1,031 போ் இறந்துள்ளனா்.