கான்கிரீட் கற்கள் விழுந்து உயிரிழந்த இளைஞரின் குடும்பத்திற்கு ரூ.10 லட்சம் இழப்பீடு: எம்சிடிக்கு உயா்நீதிமன்றம் உத்தரவு

புது தில்லி: மாநகராட்சி அமைப்புக்கு சொந்தமான ஒரு குடியிருப்பில் இருந்த கான்கிரீட் கற்கள் பெயா்ந்து விழுந்து உடல் நசுங்கி உயிரிழந்த 17 வயது இளைஞரின் குடும்பத்துக்கு ரூ.10 லட்சம் இழப்பீடு வழங்குமாறு தில்லி மாநகராட்சிக்கு (எம்சிடி) தில்லி உயா்நீதிமன்றம் உத்தரவிட்டுள்ளது.

இந்த விவகாரத்தை விசாரித்த நீதிபதி புருஷேந்திர குமாா் கெளரவ் கூறுகையில், ‘‘எம்.சி.டி.க்கு சொந்தமான குடியிருப்பில் உள்ள ஸ்லாப், லாந்தா் விளக்கு, கான்கிரீட் கற்கள் விழுந்ததுதான் இறந்தவரின் மரணத்திற்கு வித்திட்டது என்பது உறுதியாக நிரூபிக்கப்பட்டுள்ளது.

எனவே, வளாகத்தின் சரியான பராமரிப்பை உறுதிசெய்யும் பொறுப்பு சந்தேகத்திற்கு இடமின்றி எம்சிடியை சாா்ந்திருக்கிறது. இது முக்கியமாக தில்லியின் பிராந்திய எல்லைகளில் ஆபத்தான சூழ்நிலையில் கட்டுமானங்களைப் பராமரிக்கவும் பழுதுபாா்க்கவும் மாநகராட்சியின் ஒரு கட்டுப்பாடான கடமையாகவும் உள்ளது’ என்று தெரிவித்தாா்.

ஜூலை, 2007-இல் சோனு என்ற அந்த இளைஞா் தனது வீட்டுக்குத் திரும்பும் போது குடிமை நிறுவனத்திற்கு சொந்தமான ஒரு குடியிருப்பில் இருந்து கான்கிரீட் ஸ்லாப் அவா் மீது விழுந்தில் உயிரிழந்தாா்.

இந்த வழக்கில் இறந்த சோனுவின் குடும்ப உறுப்பினா்களுக்கு ரூ. 10 லட்சம் வழங்க எம்சிடிக்கு நீதிமன்றம் உத்தரவிட்டது.

நீதிமன்றம் மேலும் தெரிவிக்கையில், ‘அந்த வளாகத்திற்குள் நுழைவோா் அல்லது தனிநபா்களின் உயிருக்கு ஆபத்து ஏற்படாத வகையில் வளாகத்தை பராமரிக்கும் கடமையும் எம்சிடிக்கு இருந்தது. வளாகத்தை போதுமான அளவில் பராமரிக்க தவறிய எம்சிடி-இன் அலட்சியம் ஆவணப் பதிவில் இருந்து தெளிவாக தெரிகிறது’ என்று கூறியது.

இறந்த இளைஞரின் குடும்பத்தினா் தரப்பில் ஆஜரான வழக்குரைஞா் வாதிடுகையில், ‘அந்த குடியிருப்பு ‘ஆபத்தான நிலையில்‘ இருப்பதை எம்சிடி அறிந்திருந்தது. இந்த சம்பவத்திற்கு வழிவகுத்த கட்டுமானத்தின் பாழடைந்த நிலை காரணமாக ஏற்பட்ட அச்சுறுத்தல் குறித்து வழிப்போக்கா்களை எச்சரிக்கும் வகையில் அந்த இடத்தில் காவலாளியோ, வேலியோ அல்லது தகவல் பலகை எதுவும் இல்லை’ என்றாா்.

அந்த இளைஞா் அரசுப் பள்ளியில் 11-ஆம் வகுப்பு படித்து வந்ததாகவும், அவா் பள்ளியின் இளநிலை கபடி அணியின் கேப்டனாகவும், என்சிசி உறுப்பினராகவும் இருந்தாா். அவா் இந்த சம்பவத்தில் உயிரிழந்திருக்காவிட்டால் அவருக்கு ஒரு நம்பிக்கையான எதிா்காலம் இருந்திருக்கும் என்று வாதிடப்பட்டது.

இழப்பீடு கோரிய மனுவை எம்சிடி-இன் தரப்பில் ஆஜரான வழக்குரைஞா் எதிா்த்து வாதிடுகையில், ‘இந்த விவகாரத்தில் எம்சிடி தரப்பில் எவ்வித தவறும் இல்லை.

தனது வீட்டிற்குச் செல்வதற்கு மிகவும் அகலமான மாற்றுச் சாலை இருந்தபோதும், அந்த இளைஞா் ஒரு பாதையின் ஊடாக குடியிருப்பு வளாகத்திற்குள் நுழைவதற்கு எந்த காரணமும் இருக்கவில்லை. இதனால், அந்த இளைஞா் திருட்டு நோக்கத்துடன் வளாகத்திற்குள் நுழைந்து இறந்திருக்கலாம்’ என்றாா்.

எனினும், நீதிமன்றம் இந்த கூற்றை நிராகரித்து கூறுகையில், ‘இறந்தவா் தவறான நோக்கத்துடன் வளாகத்திற்குள் அத்துமீறி நுழைந்தவா் என்ற எம்சிடியின் குற்றச்சாட்டில் தகுதி இல்லை. சந்தேகத்திற்கு இடமின்றி, கேள்விக்குரிய குடியிருப்பு மனையானது எம்சிடி-க்கு சொந்தமானது. இருப்பினும், சொத்தை போதுமான அளவில் பராமரிப்பதற்கான அதன் கூற்றை நிரூபிக்க எந்த ஆதாரத்தையும் எம்சிடி வழங்கத் தவறிவிட்டது’ என்று நீதிமன்றம் தெரிவித்தது.