அதிரடி காட்டிய போலீஸ் கான்ஸ்டபிள்: 3 குற்றவாளிகள் கைது

நள்ளிரவில் ரோந்துப் பணியில் இருந்த ஒரு போலீஸ் கான்ஸ்டபிள் ஒரு கொள்ளை முயற்சியை முறியடித்து, ஹவுஸ் காஸ் பகுதிக்கு அருகே நிகழ்ந்த துப்பாக்கி சூட்டுக்கு பின்பு 3 குற்றவாளிகள் கைது செய்யப்பட்டதாக போலீஸ் அதிகாரி ஒருவா் வெள்ளிக்கிழமை தெரிவித்தாா்.

கைது செய்யப்பட்ட குற்றவாளிகள் மத்தியப் பிரதேசத்தின் இந்தூரைச் சோ்ந்த சிக்கந்தா் (30), பஞ்சாபின் லூதியானாவைச் சோ்ந்த தா்ஷன் சிங் மற்றும் விஜேந்தா் சிங் என அடையாளம் காணப்பட்டுள்ளனா்.

‘வெள்ளிக்கிழமை அதிகாலை 4 மணியளவில், மால்வியா நகா் காவல் நிலையத்தைச் சோ்ந்த ரோந்து காவலா் கா்தாா், மோட்டாா் சைக்கிளில் மூன்று போ் சந்தேகத்திற்கிடமாக நடந்து கொள்வதைக் கவனித்தாா். அவா்களை விசாரிக்க போது, சந்தேக நபா்கள் தப்பிக்க முயன்றனா். குற்றவாளிகளை 30 நிமிஷங்கள் போலீஸாா் துரத்தினா் ‘என்று தில்லி காவல்துறை துணை ஆணையா் (தெற்கு) அங்கித் சவுகான் கூறினாா்.

கேல் காவ்ன் அருகே துரத்துதல் முடிவுக்கு வந்ததாக அந்த அதிகாரி மேலும் தெரிவித்தாா், அங்கு சந்தேக நபா்கள் தப்பிக்கும் முயற்சியில் கான்ஸ்டபிளை இரும்பு கம்பிகளால் தாக்கியதாகக் கூறப்படுகிறது.

‘தாக்குதல் நடத்தியவா்கள் கான்ஸ்டபிளின் தலையை குறிவைத்தனா், ஆனால் அவரது தலைக்கவசம் அணிந்திருந்ததால் கடுமையான காயத்தில் இருந்து தப்பினாா். கா்தாா் முதலில் ஒரு வாய்மொழியாக குற்றவாளிகளுக்கு எச்சரிக்கை விடுத்தாா், பின்னப் வானை நோக்கி சுட்டாா். இதற்கு எதிா்வினையாக குற்றவாளிகள் போலீஸை நோக்கி சுட்டனா். இதனையடுத்து தற்காப்புக்காக நாங்கள் சுட்டதில் குற்றவாளி ஒருவரின் காலில் காயம் ஏற்பட்டது ‘என்று துணை ஆணையா் கூறினாா்.

குற்றவாளிகளிடம் இருந்து திருடப்பட்ட மோட்டாா் சைக்கிள் மற்றும் வீட்டை உடைக்கும் கருவிகள் பறிமுதல் செய்யப்பட்டன. விசாரணையின் போது, மூவரும் முந்தைய கொள்ளைகளில் ஈடுபட்டதாக ஒப்புக் கொண்டதாகவும், தங்கள் அடுத்த இலக்குக்காக அப்பகுதியில் உளவு பாா்த்ததாகவும் கூறினா்.

காவல்துறையினரின் கூற்றுப்படி, காயமடைந்த குற்றவாளி சிக்கந்தா், ரோஹினி, ஃபா்ஷ் பஜாா், கிருஷ்ணா நகா் போன்ற பலதில்லி காவல் நிலையங்களில் திருட்டு, வீட்டை உடைத்தல் மற்றும் சட்டவிரோத ஆயுதங்களை வைத்திருத்தல் உள்ளிட்ட பல்வேறு குற்றச்சாட்டுகளின் கீழ் குறைந்தது 14 வழக்குகள் பதிவு செய்யப்பட்டுள்ளன.

தா்ஷன் சிங் தொடா் குற்றவாளியாக உள்ளாா், அவா் மீது பஞ்சாபில் திருட்டு, மோசடி மற்றும் கலால் சட்டம் மீறல்கள் தொடா்பான பிரிவுகளின் கீழ் மூன்று வழக்குகள் பதிவு செய்யப்பட்டுள்ளன. மூன்றாவது குற்றவாளியான விஜேந்தா் சிங்கின் குற்றப் பின்னணியை சரிபாா்க்க முயற்சிகள் நடந்து வருவதாக போலீசாா் தெரிவித்தனா்.